Icyahanuye indege ya EgyptAir hejuru ya Mediterranee ntikizwi

Bimwe mu bice by'indege ya EgyptAir yagiriye impanuka hejuru ya Mediterranee Uwufise ububasha kw’isanamu Egypt armed forces
Image caption Bimwe mu bice by'indege ya EgyptAir yagiriye impanuka hejuru ya Mediterranee

Perezida wa Misiri, Abdel Fattah al-Sisi, yavuze ko bikigoye kumenya icyatumye indege y'isosiyete EgyptAir igira impanuka kuwa kane.

Yavuze ko iperereza ku cyabiteye rishobora gutwara igihe kirekire.

Yanasabye kandi itangazamakuru kudatangaza nta gihamya icyo rikeka ko cyatumye iyo ndege - yarimo abantu 66 - ihanuka.

Kuwa gatandatu, abanyamisiri bakora iperereza bavuze ko hakiri kare kugirango bagera ku mwanzuro bagendeye ku makuru bafite.

Igice kinini cy'iyo ndege n'udusanduku tubika amakuru yerekeranye n'uko indege igenda (black box) biracyashakishwa mu nyanja ya Mediterranee.