Yildrim arashaka ko kongerera Perezida ububasha

Binali Yildrim Uwufise ububasha kw’isanamu Getty Images
Image caption Binali Yildrim asimbuye Ahmet Davutoglu ku mwanya wa ministri w'intebe.

Umugabo wagenwe kuba minisitiri w'intebe wa Turikiya n'umuyobozi w'ishyaka riri ku butegetsi rya AK Party, Binali Yildirim, yavuze ko ikintu cy'ingenzi Turikiya ubungubu yagombye gukora ari uguhindura itegeko nshinga maze umukuru w'igihugu akongererwa ububasha.

Bwana Yildririm - uzwi kuba ari inkoramutima ya Perezida Erdogan - yabwiye inama nkuru y'ishyaka riri ku butegetsi ko bazakorana neza.

Uwo asimbuye kuri uwo mwanya, Ahmet Davutoglu, yaranzwe no kutumvikana n'umukuru w'igihugu.

Mu byo batumvikanyeho harimo umugambi wa Perezida Erdogan wo kongera ububasha bw'umukuru w'igihugu.

Benshi bakaba babona ko ibyo byaba biteye ukubiri na demokarasi.

Bwana Yildirim kandi yavuze ko azakomeza ibikorwa bya gisirikare ku ntagondwa z'aba Kurde.