Barindwi bahamijwe iterabwoba muri Uganda

Akabari kagabweho igitero muri 2010 Uwufise ububasha kw’isanamu AFP
Image caption Ibitero by'i Kampala muri 2010 byahitanye abantu barenga 70

Urukiko rwo muri Uganda rwahamije intagondwa z'abayisilamu 7 icyaha cyo kugaba ibitero by'ibisasu ku bubari bwari buteraniyemo abantu i Kampala barebaga imikino ya nyuma y'igikombe cy'isi cy'umupira w'amaguru muri 2010.

Ibyo bitero byahitanye abantu barenga 70.

Umucamanza yagize abere abandi batandatu nabo bari bakurikiranyweho icyaha cy'iterabwoba.

Agendeye ahanini k'ubuhamya bw'ababibonye biba kandi bahamijwe icyaha cyo kubigiramo uruhare, umucamanza Alfonso Owiny-Dollo, yanzuye ko Isa Ahmed Luyima ariwe wari uyoboye abandi abitumwe n'umutwe w'intagondwa zo muri Somalia wa al-Shabaab.

Abaregwa - barimo abanya Kenya batandatu, abaganda batanu n'abanyatanzaniya babiri - bavuze ko bashyizwe ku ngoyi kugirango bemere icyaha.

Ibyo ariko urukiko rurengera itegeko nshinga muri Uganda rwabiteye utwatsi.