U Burundi buvuga ko ICC itariko irakurikiza amategeko

Uwufise ububasha kw’isanamu AP
Image caption Leta y'u Burundi ivuga ko ICC itotohoza kuvyo amasentare yo muri ico gihugu asanzwe ariko aratohozako

Leta y'u Burundi ivuga ko igikorwa giherutse gutanguzwa n'umushikirizamanza mukuru wa sentare mpuzamakungu mpanavyaha Fatu Bensuda, gihushanye n'amategeko.

Uwo mupfasoni aherutse gutangura igikorwa c'isuzumwa ry'ivyaha biriko birakorwa mu Burundi kugira arabe ko bikenewe ko atanguza amatohoza nyezina kuri ivyo vyaha.

Ariko leta y'u Burundi ibona ko ico gikorwa giteye kubiri n'amategeko.

Kubw'umushikiranganji ajejwe imigenderanire n'amakungu, Alain Aime Nyamitwe, ngo ntibikunda ko iyo sentare mpuzamakungu ikora igikorwa camaze gutangurwa n'izindi sentare zo mu Burundi.

Ivyo uwo mushikinganji yabivugiye mu kiganiro yahaye abamenyeshamakuru uno munsi ku murwa mukuru Bujumbura, aho yananeguye ingene iyo sentare ikora.

U Burundi bwova muri ICC

Ati mbere hamwe ibindi bihugu vyo muri Afrika vyobona ko bikenewe ko vyiyonjorora mu mugwi w'ibihugu vyashize umukono ku masezerano ashiraho iyo sentare, ngo n'u Burundi ntibwosigara inyuma.

Ku kibazo c'abapolisi b'Abarundi bari mu gikorwa co kugarukana umutekano mu gihugu ca Centre Afrique biciye mu mugambi wa ONU, MINUSCA, boba bagiye kwirukanwa, Alain Aimé Nyamitwe avuga ko leta y'u Burundi itarabimenyeshwa.

Ibindi bisa n’ibi