Ububirigi bwafashe 12 bakekwaho iterabwoba

Ushinzwe kurinda umutekano Uwufise ububasha kw’isanamu Reuters

Igipolisi mu Bubirigi cyataye muri yombi abantu 12 bakekwaho gutegura igitero cy'iterabwoba.

Abashinzwe kurinda umutekano bateye amazu menshi mu ijoro ryakeye, cyane cyane mu mujyi wa Bruxelles, maze abantu 40 barafatwa kugira ngo babazwe.

Ubushinjacyaha buravuga ko nta ntwaro cyangwa se amasasu byafashwe muri ibyo bitero.

Mu cyumweru gishize amakuru yavuye mu nzego zishinzwe umutekano mu Bubirigi yavugaga ko igipolisi cyari cyaburiwe ko hari itsinda ry'intagondwa zo mu mutwe wiyita Leta ya Kiyislamu zavuye muri Syria zikaba ziri mu nzira zerekeza mu Burayi.

Mu kwezi kwa gatatu, abantu 32 baguye mu bitero by'iterabwoba byagabwe ku kibuga cy'indege cy'i Buruseli n'ahantu abagenzi bategera gari ya moshi ica munsi y'ubutaka muri uwo mujyi.

Ibindi bisa n’ibi