Ingabo za Irak zisubije 'henshi muri Fallujah'

Ingabo za leta ya Irak ziravuga ko zisubije 80% by'umujyi wa Fallujah Uwufise ububasha kw’isanamu Reuters
Image caption Ingabo za leta ya Irak ziravuga ko zisubije 80% by'umujyi wa Fallujah

Ingabo za leta ya Irak zisubije uduce twinshi tugize umujyi wa Fallujah ugenzurwa n'umutwe wiyita Leta ya Kiyislamu (IS) guhera muri 2014.

Ministri w'ingabo wa Amerika, Ash Carter, yavuze ko hari indi mirwano igomba kuba ngo kubera ko umutwe wiyita Leta ya Kiyislamu ukigenzura tumwe mu duce tugize umujyi wa Fallujah.

Ariko ministri w'intebe wa Irak yishimiye cyane ibyabaye uyu munsi maze avuga ko ari umunsi w'intsinzi.

Umukuru w'abasirikare kabuhariwe ba Irak, Brig Haider al-Obedi yabwiye ibiro ntaramakuru AP ko ingabo ze zigenzura 80% bya Fallujah.

Abategetsi bo hejuru mu gisirikare cya Irak baravuga ko bagiye kugerageza guha inzira abarwanyi ba IS kugirango basohoke muri uwo mujyi nta mirwano ikomeye ibereye mu duce turimo abaturage benshi.

Fallujah, iri ku birometero 50 mu burengerazuba bw'umurwa mukuru Baghdad.

Uyu mujyi umaze igihe kirekire kurusha indi mijyi yo muri Irak na Syria ugenzurwa n'umutwe wa IS.

Intagondwa zo mu mutwe wiyita Leta ya Kiyisilamu zawufashe mu kwezi kwa mbere muri 2014.

Ibindi bisa n’ibi