Ostraliya mu matora ku rwego rw'igihugu

Minisitiri w'Intebe Malcolm Turnbull n'umugore we Lucy batora i Sydney Uwufise ububasha kw’isanamu Reuters
Image caption Minisitiri w'Intebe Malcolm Turnbull n'umugore we Lucy batora i Sydney

Abanya Ostraliya batangiye gutora mu matora yo ku rwego rw'igihugu, aho guverinoma ihuriweho n'abaharanira amatwara y'ibya cyera yitezwe kuguma ku butegetsi.

Minisitiri w'Intebe n'umuyobozi w'ishyaka ritavuga rumwe na leta bagejeje imigabo n'imigambi yabo ku baturage ku wa Gatanu nyuma y'ibyumweru umunani biyamamaza.

Icyemezo cy'Ubwongereza cyo kuva mu Muryango w'Ubumwe bw'ibihugu by'Uburayi, EU, gisa n'icyahaye amahirwe minisitiri w'intebe Malcom Turnbull.

Ariko Umuyobozi w'ishyaka ry'abakozi Bill Shorten yavuze ko agamije gutsinda amatora.

Bwana Shorten yatangiye gusubiza ibibazo ku butegetsi bwe mu gihe yaba atsinzwe, cyane ko uwitwa Anthony Albanese ashaka kumuhangara.

Abantu bagera kuri miliyoni 15 n'inbihumbi 500 bitabiriye amatota mu gihugu aho gutora ari itegeko muri Ostraliya.

Uwufise ububasha kw’isanamu Getty Images
Image caption Umuyobozi w'ishyaka riharanira kurengera ibidukikije, Greens, Richard Di Natale aratorera ku rupapuro rurerure rw'itora mu rwego rwa sena i Melbourne

Mu gihe cy'ibikorwa byo kwiyamamaza, guverinoma n'ishyaka rya Labor bateranye amagambo ku ngingo y'ubukungu, ubuzima, abimukira ndetse n'abakora imibonano mpuzabitsinda babihuje.

N'ubwo byitezwe ko guverinoma igumana ubutegetsi, binitezwe ko iri butakaze imyanya myinshi ndeste hai n'ibipimo byerekana ko amatora yo mu nteko ishinga amategeko ashobora kubura uyatsinda ku buryo bweruye.

Uwufise ububasha kw’isanamu Getty Images
Image caption Umuyobozi w'abatavuga rumwe na leta Bill Shorten n'umugore we Chloe mu nkengero za Sydney