Ubwicanyi muri resitora muri Serbia: umurashi yishe umugore we, n'abandi bane, akomeretsa 20.

Polisi yafunze amarembo y'ahabereye igitero mu iperereza ry'icyateye umurashi kurekura amasasu Uwufise ububasha kw’isanamu Reuters
Image caption Polisi yafunze amarembo y'ahabereye igitero mu iperereza ry'icyateye umurashi kurekura amasasu

Abantu batanu barashwe barapfa abandi 20 barakomereka mu majyaruguru y'uburasirazuba bwa Seribiya.

Igipolisi kiravuga ko umurashi yishe umugore we ndetse n'undi mugore, mbere y'uko arasa abandi bakiliya bari bari muri resitora mu buryo butavatavanguye.

Minisitiri w'ubutegetsi bw'igihugu yavuze ko abana batatu bari mu bakomeretse mu gitero cyabereye yafi y'umujyi wa Zrenjanin.

umurashi yatawe muri yombi kandi polisi iri gukora iperereza icyamuteye kurasa abantu, bikekwa kuba yari afite ishyari.

Ababibonye babwiye televiziyo y'igihugu ya Seribiya ko uwarashe yaje muri resitora ya Makijato abona umugore we ari kumwe n'abandi bantu b'inshuti ze. Yahise ajya mu rugo agarukana imbunda.

Umwe mu batangabuhamya, Svetozar Manojlovic, yabwiye ibiro ntaramakuru AP ati:

"Yasohoye imbunda atangira kurasa, abanza kurasa mu kirere".

Miinisitiri w'ubutegetsi bw'igihugu, Nebojsa Stefanovic, yavuze ko abakiliya bari bari muri resitora bashoboye kwambura imbunda uwarasaga.

Bwana Stefanovic, yavuze ko iyo mbunda yari yaraguzwe mu buryo bunyuranye n'amategeko anasaba abantu bose gutanga imbunda batunze mu buryo butemewe n'amategeko zakwirakwiye cyane nyuma y'intambara yo mu gace ka Balkans mu myaka ya za 1990.