Ostraliya: Minisitiri w'Intebe 'yizeye' gutsinda amatora

Malcolm Turnbull yasomye umugore we Lucy mu byishimo nyuma yo kugeza ijambo ku bamushyigikiye i Sydney, abana babo bareberaga. Uwufise ububasha kw’isanamu EPA
Image caption Malcolm Turnbull yasomye umugore we Lucy mu byishimo nyuma yo kugeza ijambo ku bamushyigikiye i Sydney, abana babo bareberaga.

Minisitiri w'Intebe wa Ostraliya, Malcom Turnbull, avuga ko yizeye ko ashobora gushing aguverinoma, ariko amajwi aregeranye cyane ku buryo bitaramenyekana uwatsinze.

Uyu muyobozi wa guverinoma ihuriweho n'andi mashyaka akeneye gutsindira imyanya 76 ku 150 mu nteko ishinga amategeko kugira ngo shinge guverinoma ifite ubwiganze.

Nyuma ya kimwe cya kabiri cy'amajwi yose amaze kubarurwa, biragaragara ko bigoye kumenya uwatsinze amatora.

Utavuga rumwe na leta, Bill Shorten yavuze ko kuba amajwi yegeranye gutya bigaragaza ko gahunda y'ishyaka rya Labor zikunzwe.

Ishyaka rye ryisumbuye ku myanya ryari 55 ryari ryagize mu nteko ishinga amategeko muri 2013.

Yagize ati:

"Hari ikinti kimwe cyizewe, ishyaka rya Labor ryagarutse."

Imyanya yose 150 y mu nteko ishinga amategeko irahatanirwa ndetse na 76 muri sena.

Uwufise ububasha kw’isanamu AP
Image caption Malcolm Turnbull yagejeje ijambo ku bamushyigikiye mu masaha ya kare ku Cyumweru.

Byatekerezwaga ko ibyavuye mu matora ya kamarampaka yo mu Bwongereza, bwatoye kuva mu muryango w'ibihugu by'Uburayi, EU, byari gufasha Bwana Turnbull, wasezeranyije abaturage ko ashobora "kugarura ituze mu bukungu".

Uyu mugabo wahoze ari umunyamategeko ndetse akanakora muri banki yasezeranyije kugabanya imisoro ku bacuruzi bo hasi ndetse n'abakozi.

Ariko kugeza ubu imibare irerekana ko abanya Ostraliya batoye cyane abakandida bigenga ndetse n'amashyaka mato cyane.