Ababarirwa muri mirongo bapfuye muri Pakistani no mu Buhide nyuma y'imyuzure n'inkangu.

Abasirikare b'Ubuhinde bashakisha abarokotse nyuma y'imyuzure n'inkangu mu gihugu. Tariki 2/7/2016 Uwufise ububasha kw’isanamu AFP

Abantu bagera kuri 55 bishwe n'imyuzure n'ingangu mu majyaruguru ya Pakistani n'Ubuhinde kubera imvura ikomeye.

Abategetsi baravuga ko imyuzure mu karere ka Chitral muri Pakistani yangije amazu n'imisigiti inica abantu bagera kuri 30.

Mu misni ishize, abandi bantu 25 bapfiriye mu Buhinde muri leta za Uttarakhand na Arunachal Pradesh.

Abantu babarirwa mu majana bapfa buri mwaka kubera imvura ikaze muri Aziya y'Amajyepfo.

Ibikorwa by'ubutabazi byakomwe mu nkokora n'ibihe by'ikirere kimeze nabi muri ibyo bihugu.

Indi myuzure yibasiye umurenge wa Arsun ku wa Gatandatu no ku Cyumweru.

Abbategetsi bavuze ko abantu benshi bari bari mu masengesho ya Ramadan nimugoroba bishwe baguye mu musigiti, bongeraho ko abana n'abagore bari mu bapfuye.

Umuvugizi w'urwego rushinzwe ibiza mu gihugu yavuze ko hari igishyika kubera abantu bari gusiganwa no guhunga ingo zabo.

Inzu zibarirwa muri mirongo zaguye ndetse n'ibirindiro by'ingabo, bituma abashinzwe umutekano umunani baburirwa irengero.

Chitral ni agace k'imisozi mu majyaruguru ya Pakistani, gatuye ku mupaka wa Afuganistani. Imyuzure y'umwaka ushize yasenye ibiraro byinshi yica n'abantu benshi.

Abategetsi mu majyaruguru y'Ubuhinde bavuze ko ikigero cy'abapfuye nyuma y'imvura yo ku wa Gatanu cyageze kuri 15 mu gace ka Uttarakhand na 10 i Arunachal mu ntara ya Pradesh.

Imirenge myinshi yarengewe n'inkangu ndetse umuhanda munini mu gihugu urafungwa uruhande rumwe.