Perezida wa Sudani yepfo Salva Kiir yiyemeje guhagarika imirwano

Ntibishobora gukina mu cuma cawe
Ibisobanuro ku ntambara yo muri Sudani yepfo

Perezida wa Sudani yepfo, Salva Kiir, yategetse ingabo ze guhagarika imirwano zirwana n'ingabo zishyigikiye visi Perezida Riek Machar mu murwa mukuru Juba.

Iyo mirwano yatangiye kuwa gatanu imaze kugwamo abantu babarirwa mu magana.

Umuvugizi wa Perezida Kiir yavuze ko yiyemeje gukorana n'umwungirije Riek Machar mu gushyira mu bikorwa amasezerano y'amahoro yashyizweho umukono umwaka ushize.

Akanama ka ONU gashinzwe umutekano ku isi kasabye ko imirwano ihagarara.

Amakuru aturukayo aravuga ko habaye ibikorwa byo gukozanyaho kandi hakumvikana n'urusaku rw'imbunda mu murwa mukuru Juba.

Mu minsi mike ishize, abantu babarirwa mu magana baguye mu mirwano hagati y'ingabo zishyigikiye Perezida Salva Kiir n'abasirikare bashyigikiye Riek Machar umwungirije.

Uwufise ububasha kw’isanamu AFP
Image caption Imirwano yatangiye hashize igihe gito Riek Machar na Salva Kiir (wambaye ingofero) bamaze guhura.

Hari kandi ibitero byagabwe ku baturage b'abasivil ndetse no ku nyubako ONU ikoreramo.

Akanama ka ONU gashinzwe umutekano ku isi kakaba kavuga ko ibi ashobora kuba ibyaha byo mu ntambara.

Uwufise ububasha kw’isanamu AFP
Image caption Kajugujugu y'ingabo za leta yabonetse iri mu kirere cy'i Juba kuri uyu wa mbere

Ibihugu byinshi birimo gufata ingamba zo kuvana muri Sudani yepfo abaturage babyo n'abakozi b'imiryango itabara abari mu kaga bari muri icyo gihugu.

Abantu bafite ubwoba ko iyi mirwano ishobora kuvamo intambara yakwadukira igihugu cyose.