Ifoto yakunzwe cyane yo mu myigaragambyo yamagana iyicwa ry'abirabura muri Amerika

Ifoto y'imyigaragambyo yo muri Baton Rouge Uwufise ububasha kw’isanamu JONATHAN BACHMAN/REUTERS
Image caption Iyi foto yafotowe na Jonathan Bachman yabiciye ku mbuga nkoranyambaga

Imyigaragambyo irakomeje muri Leta zunze ubumwe za Amerika nyuma yaho abapolisi bishe barashe mu cyumweru gishize abirabura babiri.

Ku cyumweru, abantu babarirwa muri mirongo bari mu bakoraga imyigaragambyo batawe muri yombi ahitwa Baton Rouge muri Louisiana aho umwirabura yishwe arashwe n'igipolisi kuwa kabiri ushize.

Ifoto imwe yo muri iyo myigaragambyo yakunzwe cyane mu gihe umwuka usa n'utameze neza cyane hagati y'amoko kandi hakaba hari n'impaka zikomeye ku mikorere y'igipolisi gikomeje kurushaho gukoresha intwaro.

Yafotowe na Jonathan Bachman, umunyamakuru utuye i New Orleans umaze iminsi mike akorera ibiro ntaramakuru Reuters.

Iyi foto yerekana umugore ukiri muto yambaye ikanzu ahagaze yitonze imbere y'abapolisi babiri bambaye nk'abagiye ku rugamba basa nk'abagenda biruka bamusanga.

Imyigaragambyo yateguwe n'umuryango uharanira uburenganzira bw'abirabura, Black Lives Matter (bivuze ngo ubuzima bw'abirabura buhabwe agaciro), yatangiye nyuma y'iminsi mike umwirabura witwa Alton Sterling yiciwe i Baton Rouge.

Amafoto ya video yerekanye abapolisi babiri b'abazungu bamutsindagiye hasi maze baramurasa.

Igipolisi kivuga ko cyari cyabwiwe ko umugabo witwaje imbunda yarimo atera abantu ubwoba.

Reuters ivuga ko uwo mugore uri muri iriya foto - yafotowe ku wa gatandatu - yafashwe arafungwa ariko ntabwo izina rye ryari ryamenyekana.

Uwufise ububasha kw’isanamu JONATHAN BACHMAN/REUTERS

Ibiro ntaramakuru AP bivuga ko umugore uri muri iriya foto yakuruwe n'igipolisi amaze kwanga kuva mu muhanda.

Iyo myigaragambyo ntabwo yaranzwe n'amahoro ijana ku ijana - ikinyamakuru The Advocate cyo muri Louisiana - kivuga ko abantu 102 batawe muri yombi kandi imbunda 8 zirafatwa.

Umupolisi umwe yakutse amenyo abari mu myigaragambyo bamaze kumutera ikintu.

Uwufise ububasha kw’isanamu JONATHAN BACHMAN/REUTERS
Image caption Iyi foto yerekana umugabo atabwa muri yombi n'igipolisi
Uwufise ububasha kw’isanamu JONATHAN BACHMAN/REUTERS
Image caption Umugore ahanganye n'igipolisi mu myigaragambyo kuwa gatandatu

Ibindi bisa n’ibi