Besigye agiye gukurikiranwa ari hanze

Kizza Besigye

Muri Uganda, Kizza Besigye, umukuru w'ishyaka rikomeye mu yatavuga rumwe na leta, yemerewe kuburana ari hanze nyuma yo kumara amezi abiri mu munyururu aregwa ibyaha by'ubugambanyi.

Ibyo byaha bifitanye isano n'igikorwa bivugwa ko yakoze cyo kwirahiza nk'umukuru w'igihugu nyuma y'amatora y'umukuru w'igihugu yabaye mu kwezi kwa kabiri k'uyu mwaka.

Umucamanza yategetse ko Bwana Besigye atanga amafaranga y'ingwate angana n'amadolari ibihumbi mirongo itatu.

Yanavuze ko yagombye guhagarika ibikorwa by'ishyaka rye birimo imyigaragambyo n'amasengesho abera buri cyumweru ku biro bikuru by'ishyaka rye.

Kizza Basigye yakoze ikimenyetso cy'intsinzi igihe yavaga mu rukiko kandi avuga ko yishimye kubona arekuwe.