Nusra Front ivanye na Al Qaeda, Amerika iti ntibihagije

Abarwanyi ba Nusra Front mu bumanuko bwa Syria mu 2014 Uwufise ububasha kw’isanamu Reuters
Image caption Nusra Front yizera gukira amabombe ya Amerika n'Uburusiya mu kwitandukanya na Al Qaeda

Umwe mu migwi ikomeye y'abarwanyi ba ki Islam ihanganye na leta ya Syria, Nusra Front, watangaje ko uvavanuye na Al Qaeda, uca unafata izina Jabhat Fateh al-Sham.

Umukuru wa Nusra Front, Abu Mohammad al-Golani, yavuze ko ibi bakoze bizokurako urwitwazo rw'ibihangange vy'abanyamahanga, birimwo Uburusiya na Amerika, bitera uwo mugwi amabombe muri Syria.

Ariko ubushikiranganji bujejwe imigenderanire muri Amerika bwavuze ko ata mvo n'imwe igaragara yotuma buhindura uko uwo mugwi ufatwa, mugihe ubonwa nk'umugwi w'iterabwoba.

Ubwo bushikiranganji kandi bwavuze ko ivyabaye ari uguhindura izina gusa.

Nusra Front irwana iri kumwe n'iyindi migwi y'abarwanyi muri Syria, barwanya iyindi migwi ishigikiye umukuru w'igihugu Assad.

Ibindi bisa n’ibi