LONI: Akanama k'Umutekano kemeye kohereza abapolisi mu Burundi

Umuntu wigaragambya ararira agiye gutabwa muri yombi mu gihe cy'imyigaragambyo mu Burundi (ifoto ya cyera) Uwufise ububasha kw’isanamu Reuters
Image caption Ubwicanyi bwatangiye mu Burundi igihe perezida Nkurunziza yatangazaga ko aziyamamaza ku nshuro ya gatatu

Akanama k'Umutekano muri LONI kemeye iyoherezwa ry'abapolisi ba LONI mu Burundi kugerageza guhagarika ibikorwa by'urugomo n'ihohoterwa ry'uburenganzira bwa kiremwamuntu.

Akanama k'umutekano kashyigikiye umushinga w'icyemezo cy'Ubufaransa cyo kohereza abapolisi 228 mu gihe cy'ibanze cy'umwaka.

Guverinoma y'u Burundi yo yari yatanze gasopo ko butazemera abapolisi barenga 50.

Kuva perezida Pierre Nkurunziza yatangaza icyemezo cyo kwiyamamaza ku nshuro ya gatatu mu kwezi kwa Kane umwaka ushize, abantu barenga 400 bamaze kwicirwa mu bikorwa bifitanye isano no kwamagana icyemezo cye. Abarundi barenga 200.000 bataye ingo zabo.

Ibiganiro birakomeza

Ambasaderi w'Ubufaransa muri LONI, Francois Delattre yagize ati:

"Urebye izamuka ry'urugomo n'ubushyamirane [buri mu gihugu] Akanama k'Umutekano kagomba guhora kari maso mu gihugu mu kugenzura no kurunda ko amabi arenzeho yaba mu Burundi."

Yongeyeho ati: "Iki ni igikorwa gikomeye cya dipolomasi yo kurinda."

Abadipolomate ubu bari kuganira ku buryo bashyira mu bikorwa uyu mwanzuro w'Akanama k'Umutekano.

N'ubwi yaba ingabo z'Uburundi ndetse n'abatavuga rumwe na leta bavanze amoko, bamwe bafite ubwoba ko ibikorwa by'ubwicanyi bishobora kuvamo ubwicanyi bushingiye kuri jenoside igihugu kigeze kunyuramo.

Perezida Pierre Nkurunziza yahoze ayobora umutwe w'inyeshyamba z'Abahutu yarwanye n'ingabo zari ziganjemo Abatutsi mu gihe cy'imyaka myinshi, kugeza aje ku butegsti muri 2005 nyuma y'amasezerano y'amahoro.

Uwufise ububasha kw’isanamu Twitter
Image caption Ambasaderi w'u Burundi muri LONI yamaganye umwanzuro wa LONI ku rubuga rwe rwa Twitter

Anyuze ku rubuga rwe nkoranyambaga rwa Twitter, Ambasaderi w'u Burundi, Albert Shingiro, yagize ati:

"Ntibyakumvikana ukuntu umwanzuro udahuriweho washyirwa mu bikorwa hatubahirijwe ubwigenge ntavogerwa bw'u Burundi"

Uko byakurikiranye: Amajye mu Burundi

  • Ukwa Kane 2015: hadutse imyigaragambyo yamagana perezida Pierre Nkurunziza amaze gutangaza ko aziyamamaza ku nshuro ya gatatu
  • Ukwa Gatanu 2015: Urukiko rw'ikirenga rwashyigikiye icyemezo cya Bwana Nkurunziza. Abantu babarirwa mu bihumbi barahunze mu gihe imyigaragambyo yakomezaga.
  • Ukwa Gatanu 2015: Abasirikare bagerageje guhirika ubutegetsi, umugambi urapfuba.
  • Ukwa karindwi 2015: Habaye amatora, Bwana Nkurunziza yongera gutorwa. Amajwi yagiweho impaka, umuyobozi w'uruhande rutavuga rumwe na leta Agathon Rwasa ayasobanura "nk'ikinamico"
  • Ukwa Cumi na Kabiri 2015: Abantu 87 biciwe umunsi umwe mu gihe abasirikare bageragezaga kurwana n'igitero cyagabwe ku birindiro by'ingabo i Bujumbura.
  • Ukwa Mbere 2016: Habonetse ibirego by'ibyobo rusange b'ibikorwa by'ifatwa ku ngufu biregwa inzego z'umutekano z'uUburundi