Perezida wa Turukiya yahagaritse ibirego byaregwaga abantu bamututse.

Perezida Erdogan yavugiye mu ngoro y'umukuru w'igihugu ku wa Gatanu Uwufise ububasha kw’isanamu Reuters
Image caption Perezida Erdogan yavugiye mu ngoro y'umukuru w'igihugu ku wa Gatanu

Perezida wa Turukiya yavuze ko yahagaritse ibirego bisjinjwa abantu kumutuka.

Recep Tayyip Erdogan yavuze ko yabitewe n'ubumwe yabonye mu gihugu nyuma yo kugerageza kumukura ku butegetsi ku ngufu mu mugambi wapfubye.

Ariko yanibasiye ibihugu bimunenga guhiga abatavuga rumwe na we, nyuma y'igerageza ryo guhirika ubutegetsi, abibwira "kwita ku bibareba".

Mbee yai yabanje kwamagana umwe mu bagaba b'ingabo za Amerika, Jenerali Joseph Votel avuga ko yari ashyigikiye abagerageje guhirika ubutegetsi.

Ku wa Kane,

Jenerali Votel yari yavuze ko ifunga rya bamwe mu bayobozi b'ingabo rishobora guhungabanya imigenderanire y'ibikorwa bya gisirikare hagati ya Turukiya na Amerika.

'Ntibashobora kuba inshuti zacu'

Bwana Erdogan igihe yari ku ngoro y'umukuru w'igihugu yagize ati: " Ngiye guhagarika ibirego byose bishingiye ku bitutsi byantutswe."

Yavuze ko ari ikimenyetso cy'ubugizi bwa neza.

Uwufise ububasha kw’isanamu EPA
Image caption Perezida Erdogan ahura n'inzego z'umutekano ku kicaro cya polisi i Ankara

Mbere muri uyu mwaka, abategetsi bavuze ko abantu 2.000 bari gukurikiranwa kuri ibi birego.

Ariko Bwana Erdogan yahangaye amahanga amunenga, igihe minisitiri w'ubutegetsi bw'igihugu yavugaga ku wa Gatanu ko abantu bagera ku 18.000 bafunzwe.

Yagize ati: " Abantu bamwe batugira inama. Bavuga ko bahangayitse. Murebe ibibareba! Murebe ibyo mwe mukora."

"Nta muntu n'umwe waje kutwihanganisha yaba mu muryango w'ibihugu by'Uburayi... cyangwa mu Burayi...Ibyo bihugu cyangwa abo bategetsi badatehwe impungenge na demokarasi ya Turukiya, ubuzima bw'abaturage bacu, ejo hazaza habo- ahubwo bahangayikishijwe n'abashatse guhirika ubutegetsi, ntibashobora kuba inshuti zacu

Uwufise ububasha kw’isanamu AFP
Image caption Minisitiri w'ingabo muri Amerika Ashton Carter (Ibumoso) ari kumwe na Gen Votel mu kiganiro cy'abanyamakuru muri uku kwezi

Asubiza ku byavuzwe na perezida Erdogan, Gen Votel yavuze ko amakuru vuga ko yagize uruhare mu igerageza ryo guhirika ubutegetsi "ababaje kandi atari ukuri".