intambara ya Siriya: 'Imiryango yahunze' umujyi wa Aleppo.

Abasivile babarirwa mu bihumbi bagotewe mu burasirazuba bwa Aleppo kandi bari gushirirwa n'ibiryo ndetse n'amazi. Uwufise ububasha kw’isanamu AFP
Image caption Abasivile babarirwa mu bihumbi bagotewe mu burasirazuba bwa Aleppo kandi bari gushirirwa n'ibiryo ndetse n'amazi.

Itangazamakuru rya leta muri Siriya riravuga ko imiryango ibarirwa muri mirongo yahunze uduce two mu burasirazuba mu mujyi wa Aleppo.

Ibiro ntaramakuru bya leta Sana, byavuze ko abasivile bagiye mu mamodoka ya bisi bajyanwa mu bwihisho bw'agateganyo.

Ayo makuru anavuga ko bamwe mu nyeshyamba bitanze ku ngabo za guverinoma.

Uburusiya, bushyigikiye guverinoma ya Siriya, bwatangaje ku wa Kane ko inzira enye zo kunyuzwamo ibiribwa no gucamo abasivile zizafungurwa muri Aleppo kugira ngo abasivile n'inyeshyamba basohoke.

Icyo cyemezo cyashimwe mu buryo bw'ubwitonzi, na LONI Leta Zunze Ubumwe za Amerika ndetse n'imiryango itera inkunga. Amerika yavuze ko uyu ushobora kuba ari umugambi ugamije gutuma abasivile bahunga inyeshyamba zikitanga mu mujyi.

Ku wa Gatanu, intuma ya LONI muri Siriya, yavuze ko inzira zigomba gufungurwa zagenzurwa na LONI kandi ko hagomba kobaho agahenge k'amasaha 48 kugira ngo abantu bahunge mu mutekano.