Inteko Ishinga Amategeko muri Tuniziya yatoye kwirukana Minisitiri w'Intebe Habib Essid

Guverinoma ya Minisitiri w'Intebe Habib Essid yitezwe kwegura Uwufise ububasha kw’isanamu EPA
Image caption Guverinoma ya Minisitiri w'Intebe Habib Essid yitezwe kwegura

Inteko ishinga amategeko muri Tuniziya yakuye ikizere kuri minisitiri w'intebe, Habib Essid, bituma guverinoma.

Abadepite 188 batoye basaba ko Bwana Essid yirukanwa, batatu bonyine ni bo bamushyigikiye.

Bwana Essid, umaze imyaka itagera kuri ibiri ku butegetsi, yanenzwe cyane n'abatavuga rumwe nawe kunanirwa kuvugurura ubukungu.

Mu kwezi gushize, perezida Beji Caid Essebsi, yasabye ko habaho guverinoma y'ubumwe ikarangiza igihe cy'amezi y'ibibazo by'ubukungu.

Uwufise ububasha kw’isanamu EPA
Image caption Abarenga kimwe cya gatatu cy'urubyiruko muri Tuniziya nta kazi bafite

Imibare y'ibura ry'imirimo yakomeje kuzamuka kuva igihe impinduramatwara yabaga mu mwaka wa 2011, perezida Zine al-Abidine Ben Ali yahirikwaga ku butegetsi. Abatutage bo mu cyiciro cy'urubyiruko barenga kimwe cya gatatu nta kazi bafite.

Impinduramatwara ya Tuniziya yabaye iya mbere mu bihugu by'Abarabu, inashimwa nk'iyageze ku ntego yayo kubera ko yatumye igihugu kiyoborwa muri demokarasi isgingiye ku nteko ishinga amategeko.