Papa Francis yasezeye Polonye mu gitambo cya misa cyitabiriwe cyane

Papa agera ahasomewe misa- 31/7 Uwufise ububasha kw’isanamu AP
Image caption Papa yashishikarije abayoboke ba Gatolika kugira "icyizere mu bumuntu bushya

Ibihumbi by'abantu bitabiriye misa yasomwe na Papa Francis ku munsi wa nyuma w'urugendo rwe rw'iminsi itanu muri Polonye.

Ku munis wa nyuma w'uruzinduko rwe, Papa Francis yashishikarije urubyiruko rusaga miliyoni ebyiri ndetse n'abandi bantu bakoze urugendo bavuye imihanda yose ku isi bajya mu masengesho, kwamagana urwango hagati y'abantu. Atura igitambo cya misa ku izuba rikakaye, Papa yatakambiye abantu kugira ubumuntu budakoresha imipaka nk'amabariyeri.

Uwufise ububasha kw’isanamu AFP
Image caption Mu ikoraniro habonetsemo ibyishimo
Uwufise ububasha kw’isanamu EPA
Image caption Abihayimana bari bitwikiriye imitaka ibarinda izuba, uretse ko n'imvura yari iteganyijwe.
Uwufise ububasha kw’isanamu Reuters
Image caption Igitambo cya misa cyitabiriwe n'urubyiruko ruturutse ku isi yose.
Uwufise ububasha kw’isanamu Reuters
Image caption Bamwe barinze kujya ahitegeye kugira ngo babone neza.
Uwufise ububasha kw’isanamu AP
Image caption Ku wa Gatandatu, abantu benshi cyane bari bateraniye mu isengesho ryo gusaba

Akoresha imvugo y'ikoranabuhanga, yavuze ko abantu bagombye gukoresha bibiliya nk'iyoboranzira. Iki gitambo cya misa kiri mu rwego rw'ikoraniro mpuzamahanga ry'urubyiruko rwa Gatolika ku isi, cyahuriranye n'ibirori byo kwishimisha byarimo ababyitabiriye bazamura amabendera, banyurwa n'umuziki ndetse bifata n'amafoto amenyerewe nka "selfie".

Nyuma y'imihango, ababikira n'abihay'Imana bakuru bafatanye amaboko bazamuka kuri podiyumu. Iyi misa isoje uruzinduko rwa Papa muri Polonye, yari amazemo iminsi itanu.

Ni urugendo rwa mbere akoreye mu Burayi bw'uburasirazuba rwanamujyanye gusura inkambi ya Auschwitz yiciwemo Abayahudi.