Igerageza ryo guhirika ubutegetsi: Abasirikare ba Erdogan bataye muri yombi umu kapiteni

Ingabo za Turukiya zita muri yombi umu Kapiteni Mustafa Serdar Ozaymuri kasho ya polisi (1/8/2016) Uwufise ububasha kw’isanamu Reuters
Image caption Umwe mu bafashwe ni Kapiteni Captain Mustafa Serdar Ozay

Turukiya yavuze ko yataye muri yombi abasirikare bose bashinjwa kugerageza guhirika ubutegetsi, uretse umwe gusa utarafatwa.

Ingabo zidasanzwe zataye muri yombi abandi basirikare 11 mu ijoro ryacyeye nyuma y'ibyumweru bibiri hafi ya MArmaris.

Mu ijoro ryo kugerageza guhirika ubutegetsi, Recep Tayyip Erdogan yari ari mu biruhuko mu majyepfo y'uburengerazuba bwa Turukiya, ariko yahunze nyuma y'uko hoteli yari aimo iterwa. Amakuru avuga ko aba basirikare bari bahunze bari bihishe hafi y'ishyamba.

Kuva ihirika ry'ubutegetsi ryaburizwamo, Bwana Erdogan yahize abaregwa kuba inyuma y'uyu mugambi.

Abantu babarirwa mu bihumbi batawe muri yombi cyangwa birukanwa ku kazi cyangwa bahagarikwa ku mirimo mu gisirikare, mu bucamanza, mu mirimo ya leta ndetse no mu burezi.

Uwufise ububasha kw’isanamu Getty Images
Image caption Ibihumbi by'aba Turke batuye mu Budage bigaragambije bashyigikiye Bwana Erdogan mu mujyi wa Cologne

Mu mpera z'icyumweru Bwana Erdogan yatangaje impinduka zikomeye mu gisirikare cya Turukiya.

Turukiya yahamagaje uhagarariye Ubudage muri minisiteri y'ububanyi n'amahanga i Ankara gusobanura impamvu Bwana Erdogan yangiwe kugeza ijambo ku bantu bamushyigikiye bigaragambirizaga i Cologne, akoresheje ikoranabuhanga rya video-link ku cyumweru.

Abantu bagera ku 30.000 bateraniye mu BUdage bashyigikiye perezida wa Turukiya.

Uwufise ububasha kw’isanamu Burak Kara/Getty Images
Image caption Perezida Erdogan yavugiye kuri CNN Turk akoresheje Facetime mu ijoro ryageragejwe guhirika ubutegetsi