Amatora y'uturere muri Afurika y'Epfo: ANC yatakaje cyane

Abashyigikiye ANC i Johannesburg - 7/2016 Uwufise ububasha kw’isanamu MARCO LONGARI
Image caption ANC yatsinze ku majwi arenga 60% muri buri matora yagiyemo kuva apartheid yarangira

Ishyaka Africa National Congress (ANC) riri ku butegetsi, ryatakaje imyanya myinshi ku buryo bukomeye kuva apartheid yarangira mu 1994.

Kuri 92% by'amajwi amaze kubarurwa, nyuma y'amatora yo ku wa Gatatu, ishyaka ANC ryatakaje uduce tw'ingenzi twafataga nk'igicumbi cya Nelson Mandela, ryatsinzwe na Democratic Alliance (DA) ritavuga rumwe n'ubutegetsi.

Amashyaka yombi aregeranye mu majwi mu mijyi ya Johannesburg na Pretoria.

Ariko ANC iracyari ku isonga ku rwego rw'igihugu ku majwi 54%.

ANC yatsinze ku majwi 60% muri buri matora kuva ubutegetsi bwa gashakabuhake bw'ivangura rishingiye ku ruhu, buzwi nka 'apartheid', bwarangira mu myaka irenga 20.

Ikigero cy'abatagira akazi ndetse na ruswa bivugwa kuri perezida Jacob Zuma byanduje isura y'isyhyaka ANC.

Uwufise ububasha kw’isanamu AFP
Image caption Umuyobozi wa DA Mmusi Maimane avuga ko ishyaka rye ryahaye abaturage ubundi buryo bwo guhitamo

Iyi mibare y'amatora y'uturere ishobora kuba ari yo ikomereye ishyaka riri ku butegetsi rya ANC kuva ryageza demokarasi muri Afurika y'Epfo mu 1994.

Nta gushidikanya ko ANC ikiri ku isonga ifite ubwiganze mu gihugu ariko ugushyigikurwa kuri kugenda kugabanuka. Ntishobora gukomeza kwizera ko abaturage b'abirabura bagize umubare munini w'abanya Afurika y'Epfo bazakomeza kuyitora buhumyi.

Amajwi ya nyuma ategerejwe gutangazwa kuri uyu wa Gatanu.

Mu masaha ya mu gitondo, ANC yari ifite 54% ikurikiwe na Democratic Alliance ku majwi 26% na Economic Freedom Fighters (EFF) ku majwi 7%.

Aya matora arabonwa nk'ikimeneyetso cy'uburyo perezida Zuma adakunzwe.

Uwufise ububasha kw’isanamu EPA
Image caption Iyi mibare y'amatora irasa n'itanga ikimenyetso cy'uko amatora y'umukuu w'igihugu azagenda muri 2019