Donald Trump yisubiyeho ku byo yavuze ku ngwate yangwate yahawe Irani

Donald Trump Uwufise ububasha kw’isanamu Getty Images

Donald Trump yisubiyeho ku magambo yavuze ko yabonye amashusho yerekana Amerika yushyura ingwate kuri Irani.

Umukandida uhagarariye ishyaka ry'Abarepubulikani, mu matora ya perezida muri Amerika, Donald Trump, yemeye ko atabonye amashusho y'ibanga yavugaga ko yerekana Irani ihabwa ingwate y'amafaranga mbere yo gufungura imbohe z'Abanyamerika.

Mbere yari yavuze ko yiboneye aya mashusho.

Bwana Trump yari yatanze ibisobanuro byimbitse avuga ukuntu yabonye iyo videwo, yerekana indege bivugwa ko yari itwaye amafaranga y'ingwate.

Ariko kuri uyu wa Gatanu yavuze ko iyo ndege mu by'ukuri yari itwaye Abanyamerika batatu bari bafungiwe muri Irani ibajyana i Geneva.

Yaba perezida Obama na minisitiri w'ububanyi n'amahanga John Kerry, bahakanye ko Washington yishyuye ingwate kugira ngo abanyamerika bafungurwe.