I Rouen mu Bufaransa: Umuriro wishe abantu 13 ku munsi w'isabukuru

Abazimya umuriro barasohoka nyuma yo kugenzura ibyangijwe n'inkongi mu kabari ka Au Cuba Libre i Rouen, mu majyaruguru y'Ubufaransa (6/8/2016) Uwufise ububasha kw’isanamu AFP
Image caption Biratekerezwa ko inkongi yatewe na buji zari kuri keke yateguwe mu kwizihiza isabukuru y'amavuko

Inkongi y'umuriro yadutse mu birori byo kwizihiza isabukuru y'amavuko yishe abantu 13 i Rouen mu majyaruguru y'Ubufaransa 6 barakomereka.

Amabuki yari ari kuri keke (cake) yabaye imbarutso y'umurriro mu kabari kitwa Cuba Libre, watangiye kwaka mu ma saa sita z'ijoro ku wa Gatandatu.

Ibiro ntaramakuru AFP bivuga ko igisenge cyahise gifata umuriro.

Minisitiri w'ubutegetsi bw'igihugu Bernard Cazeneuve yavuze ko abantu 50 bazimya umuriro bitabajwe.

Yavuze ko hari gukorwa iperereza ku cyateye iyi nkongi.

Umwe mu bakomeretse ararembye cyane. Iterabwoba ntiriri mu bifatwa nk'ibyateye uyu muriro.

Uwufise ububasha kw’isanamu AFP
Image caption Abapfuye bari baheze mu cyumba kiri hasi y'aho akabari kari
Uwufise ububasha kw’isanamu AP
Image caption Ubushyuhe bw'umuriro bwangihe amacupa

Ikinyamakuru cyo mu Bufaransa cyitwa Paris-Normandie cyavuze ko abapfuye bishwe n'inkongi benshi bari urubyiruko ruri hagati y'imyaka 18 na 25.

Umuyobozi yabwiye AFP ko igisenge cy'amakaro cyarekuye gazi yahumanyije abapfuye.; "Igukundi cy'abantu bananiwe kuva mu cyumba benshi bicwa no kubura umwuka."

Minisitiri w'intebe Manuel Valls yanyuze ku rubuga rwe nkoranyambaga agira ati: "Akababaro gakomeye gatewe n'impfu z'abantu 13. Twifatanyije n'imiryango yabuze ababo."

Abategetse bashimye cyane abazimya umuriro kubera umuvuduko bakoranye mu kuzimya inkongi.