Inyeshyamba muri Siriya zasubije inyuma ingabo za leta muri Aleppo

Abayobora imitwe itavuga rumwe na leta bavuga ko bafunguye izindi nzira zerekeza muri Aleppo Uwufise ububasha kw’isanamu AFP
Image caption Abayobora imitwe itavuga rumwe na leta bavuga ko bafunguye izindi nzira zerekeza muri Aleppo

Imitwe y'inyeshyamba muri Siriya iravuga ko yatsinze imirwano imaze ibyumweru igatsimbura ingabo za guverinoma mu mujyi wa Aleppo, mu byishimo byinshi.

Amakuru ava mu bantu bakorana bya hafi n'ingabo za guverinoma arahakana ko zatsimbuwe muri ako gace ahubwo ko ingabo za guverinoma zarwanyije inyeshyamba zizihatira gusubira inyuma.

Impirimbanyi z'uburenganzira bwa kiremwamuntu ziba mu Bwongereza zavuze ko inyeshyamba zafatanyije n'abandi barwanyi bari mu burasirazuba bwa Aleppo.

Ariko bongeraho ko byagoye inyeshyamba gushaka inzira irambye yo kunyuramo.

Inyeshyamba zifatanyije n'indi mitwe irimo n'ushamikiye kuri al-Qaeda.

Mu kwezi kwa Karindwi, ingabo za guverinoma zafunze ibintu byise mu gace ka Aleppo gatuwemo n'abasivile bagera ku 250.000.

Uwufise ububasha kw’isanamu AFP
Image caption Abanya Siriya bahuriye mu mihanda bishimira intsinzi y'inyeshyamba muri Aleppo
Uwufise ububasha kw’isanamu Reuters
Image caption Uyu mujyi wari umaze ibyumweru uri mu maboko y'ingabo za guverinoma
Uwufise ububasha kw’isanamu Reuters
Image caption Umujyi wa Aleppo utuwemo n'abasivile bagera ku 250.000
Uwufise ububasha kw’isanamu Getty Images
Image caption Benshi bishimiye intsinzi y'inyeshyamba

Rami Abdel Rahman, uyobora umuryango uharanira uburenganzira bwa kiremwamuntu ukorera mu Bwongereza, yavuze ko inyeshyamba zashoboye kubona intsinzi ariko ko inzira itizewe neza.

Ku wa gatanu, imitwe y'inyeshyamba yavuze ko yagabye ibitero ku birindiro bya guverinoma.

Ariko ingabo za guverinoma zivuga ko zashegeshe inyeshyamba ndetse zirazikomeretsa cyane.

Hagati aho, Umutwe w'aba Kurde ushyigikiwe na Leta Zunze Ubumwe za Amerika ndetse n'abarwanyi b'Abarabu bafashe igice kinini cya Manbij, umujyi ukomeye wa Siriya, bawukuye mu maboko ya Islamic State.