Oscar Pistorius yavuriwe mu bitaro kubera ibikomere

Oscar Pistorius ari mu rukiko Uwufise ububasha kw’isanamu Reuters
Image caption Pistorius yakatiwe gufungwa imyaka itandatu kubera kwica uwari umukunzi we Reeva Steenkamp

Oscar Pistorius, Umukinnyi wa Olempike muri Afurika y'Epfo, yavuwe ibikomere ku kuboko.

Abayobozi ba gereza muri Afurika y'Epfo bavuze ko Oscar Pistorius yavuriwe mu bitaro kubera ibikomere yagize ku kuboko ari mu kumba ke ka gereza.

Umuvugizi w'inzego za gereza, yavuze ko Pistorius yahakanye amakuru avuga ko yashakaga kwiyahura, avuga ko yaguye ahubutse ku gitanda cye.

Ikinyamakuru cyo muri Afurika y'Epfo (City Press) cyari cyanditse ko hari undi muntu ufunze wavuze ko Pistorius yikomerekeje abigambiriye.

Ubu uyu mukinnyi wa para olempike mu mikino y'ababana n'ubumuga yasubijwe muri gereza aho afungiye mu gihano cy'imyaka itandatu yakatiwe n'urukiko kubera icyaha cyo kwica uwari umukunzi we.

Mu kwezi gushize, abashinjacyaha bavuze ko bazajuririra igihano cy'imyaka itandatu Pistorius yahawe bavuga ko cyoroheje cyane.

Pistorius yarashe Reeva Steenkamp amwicira mu nzu ye ku munsi w'abakundanye witwa Valentine's Day mu mwaka wa 2013.