Imyuzure muri Macedoniya: Abantu bagera kuri 20 baraye bapfuye kubera umuhengeri

Bamwe bapfiriye mu modoka zabo kubera imyuzure. Uwufise ububasha kw’isanamu EPA
Image caption Bamwe bapfiriye mu modoka zabo kubera imyuzure.

Abantu bagera kuri 20 bapfiriye mu myuzure yibasiye umurwa mukuru wa Macedoniya, Skopje, nyuma y'imvura ikaze.

Imirambo y'abapfuye yabonetse ku Cyumweru mu gitondo imvura imaze guhita. Abantu batandatu baracyaburiwe irengero.

Bamwe mu bapfuye barengewe n'imyuzure mu modoka zabo. Bimwe mu bice by'imihanda y'umujyi byangiritse bikomeye, ku buryo imyuzure yasakumye imodoka ikazita mu bihuru.

Imvura yarimo inkubiri y'umuyaga ukomeye ndetse yateye umwuzure ureshya na milimetoro 93 mu murwa mukuru, Skopje, ni yo ikaze kuresha iyabonetse yose mu kwezi kwa Munani.

Amakuru aravuga ko amazi yageze ku kigero cya metero imwe n'igice mu burebure muri bimwe mu bice byagizweho ingaruka n'imyuzure.

Baze Spriovski, w'imyaka 43 utuye mu nkengero za Skopje, mu mujyi wa Singelic, yagize ati: "Ibintu byose byari byangiritse. Televiziyo, ibyuma bikonjesha, intebe zo mu ruganiriro, buri kintu cyari cyarengewe n'amazi...byari bibi cyane".

Inyubako nyinshi kugeza ubu nta mashanyarazi zifite ndetse nyinshi biravugwa ko zahirimye.

Uwufise ububasha kw’isanamu EPA
Uwufise ububasha kw’isanamu EPA
Uwufise ububasha kw’isanamu EPA
Uwufise ububasha kw’isanamu EPA
Uwufise ububasha kw’isanamu EPA

Umuyobozi w'umujyi wa Skopje, Kove Trajanovski, "Ibi bintu birarenze. Ntitwigeze tubona ibintu nk'ibi mbere."

Biljana Joneska w'imyaka 62, utuye i Skopje yagize ati: "Hari imirabyo buri segonda. Byari biteye ubwoba cyane."

Ibinyamakuru byo mu gihugu biravuga ko inkeragutabara (bita ambulance) mu ndimi z'amahanga zitabajwe inshuro 65 mu mujyi, abantu barenga 20 bavuriwe ku bitaro ndetse abasirikare baritabazwa.

Imyuzure yatumye inzu ziri mu mirenge y'agace k'amajyaruguru y'ubasirazuba bw'igihugu, ibura umuriro.

Polisi yavuze ko imodoka 70 zaguye kubera ko imihanda yangiritse mu mirenge ya Stajkovci na Radisani.

Abakora mu nzego z'ubuzima bagiriye inama abatutage batuye mu duce twangijwe n'imyuzure kunywa no gutekesha amazi ari mu macupa gusa cyangwa avuye mu bigega bya leta gusa.

Hateganyijwe indi mvura kuri iki Cyumweru.