Gen Kale Kayihura ntiyitabye urukiko

Gen Kale Kayihura

Muri Uganda igipolisi gihosha imyigaragambyo cyavanye abantu bigaragambyaga ku rukiko aho umukuru w'igipolisi Kale Kayihura yagombaga kwisobanura ku birego aregwa ry'ikubitwa ry'abatavuga rumwe na leta bari mu myigaragambyo mu kwezi gushize.

Abantu babarirwa mu magana bari baje ari benshi ku nyubako irimo urukiko mu murwa mukuru Kampala bitwaje ibyapa banaririmba indirimbo zishyigikiye General Kale Kayihura.

Bateraga ubwoba bavuga ko bagaba igitero ku itsinda ry'abanyamategeko barenga 20 bagejeje ikirego mu bucamanza mu izina ry'abatavuga rumwe na leta.

General Kayihura n'abandi bapolisi bo mu rwego rwo hejuru barindwi ntabwo bitabye urukiko kandi nta n'ababunganira mu mategeko bigeze bahakandagiza ikirenge.

Barashinjwa kuba igipolisi cyarahutaje n'ingufu zidasanzwe abashyigikiye Kizza Besigye wabaye umukandida mu matora y'umukuru w'igihugu yabaye mu ntangiriro z'uyu mwaka.