Burkina yahagaritse kugurisha impu mu mahanga

Impu z'indogobe Uwufise ububasha kw’isanamu FOTOMM

Ubutegetsi muri Burkina bwafashe icyemezo cyo guhagarika kugurisha impu z'indogobe, amafarasi n'ingamiya zinjiriza icyo gihugu amafaranga abarirwa muri za miliyari z'amafaranga y'ama CFA.

Icyo cyemezo cyatangiye gushyirwa mu bikorwa kuri uyu wa kabiri.

Umubare w'impu zoherezwa mu Bushinwa wavuye ku 1000 mu mezi atatu ya 2015 ugera ku 18 000 mu mpera z'uwo mwaka, nkuko bitangazwa na leta y'icyo gihugu.

Umubare w'impu zigurishwa mu mahanga wariyongereye muri uyu mwaka mu gihe impu 64 951 z'indogobe zimaze zagurishijwe mu mezi ya mbere y'uyu mwaka.

Leta ya Burkina Faso ivuga ko ibi bituma izo nyamaswa zibangamirwa cyane.

Igiciro cy'uruhu rw'indogobe cyavuye ku mafaranga 2000 CFA kigera ku mafaranga 30 000 CFA ndetse rimwe na rimwe 50 000 CFA.