Muri Zambia Edgar Lungu ari imbere mu majwi

Edgar Lungu Uwufise ububasha kw’isanamu AFP
Image caption Perezida Edgar Lungu yatsinze amatora aherutse n'ikinyuranyo cy'amajwi make.

Amajwi amaze kubarurwa nyuma y'amatora y'umukuru w'igihugu muri Zambia arerekana ko Perezida ucyuye igihe Edgar Lungu ari imbere.

Ubu hamaze kubarurwa uturere turenze 20 ku turere 160.

Amajwi yose araza kurangiza kubarurwa nyuma y'uko uyu munsi w'icyumweru urangira.

Kare, amajwi yari amaze kubarurwa yerekanaga ko umukandida utavuga rumwe na leta, Hakainde Hichilema, yari imbere gato.

Imibare ya mbere y'akanama gashinzwe amatora yerekanaga ko Bwana Hichilema yarushaga perezida ucyuye igihe Edgar Lungu amajwi ibihumbi bitandatu gusa.

Uwufise ububasha kw’isanamu Reuters
Image caption Hakainde Hichelema yiyamaje asezeranya abaturage kuzamura ubukungu.

Akanama gashinzwe amatora kahakanye ibirego gashinjwa na Bwana Hichilema by'uko kumvikanye n'ishyaka riri ku butegetsi kugira ngo ibyavuye mu matora gatinde kubitangaza.

Ako kanama kavuga ko kubona abitabiriye amatora barenga 57% birimo gutuma kubarura amajwi bitihuta.

Edgar Lungu yatsinze amatora y'umwaka ushize n'ikinyuranyo cy'amajwi make cyane nyuma y'urupfu rw'uwari perezida, Michael Sata.

Ibindi bisa n’ibi