Muri Sudani yepfo haravugwa imirwano

Inzu yatwitswe muri Sudani yepfo Uwufise ububasha kw’isanamu Getty Images
Image caption Amazu akunze gutwikwa iyo hadutse intambara muri Sudani yepfo.

Hari amakuru avuga ko hari imirwano yadutse hagati y'impande zihanganye muri Sudani yepfo.

Ababibonye baravuga ko bumvise urusaku rw'imbunda ziremereye mu nkengero z'umujyi wa Yei uri mu majyepfo y'uburengerazuba bw'umurwa mukuru Juba.

Ingabo zishyigikiye visi perezida Riek Machar ziravuga ko ingabo za leta zateye ibirindiro byazo kuwa gatandatu nijoro.

Ntibyari byamenyekana niba hari abaguye muri iyo mirwano.

Mu kwezi gushize ingabo za Perezida Salva Kiir n'iza Riek Machar zarwaniye mu murwa mukuru Juba.

Uwufise ububasha kw’isanamu AP
Image caption Riek Machar na Salva Kiir (wambaye ingofero) bamaze igihe barwanira ubutegetsi

Iyo mirwano yatumye ONU ifata icyemezo cyo kwohereza muri icyo gihugu abandi basirikare babungabunga amahoro ibihumbi bine.

Ariko Perezida Kiir yavuze ko atazongera gukorana na ONU kandi ko atazareka ngo ONU yigarurire igihugu cye.