Video y'abakobwa bafashwe na Boko Haram

Umwe muri abo bakobwa arasubiza ibibazo by'intagondwa
Image caption Umwe muri abo bakobwa arasubiza ibibazo by'intagondwa

Muri Nigeria, intagondwa zo mu mutwe wa Boko Haram zashyize ahagaragara video nshya isa n'iyerekana bamwe mu banyeshuri b'abakobwa uwo mutwe washimuse.

Abakobwa bagera kuri 50 bambaye ibitambaro bibapfutse mu mutwe baboneka inyuma y'intagondwa ya Boko Haram isaba ko abarwanyi b'uwo mutwe barekurwa mbere yuko abo bakorwa ubarekura.

Muri iyo video benshi muri abo bakobwa basa n'abihanagura amarira mu maso.

Umwe muri bo afite akana gato. Undi yasabye ababyeyi babo bakobwa kuvugana na leta kugirango babashe kurekurwa.

Uwufise ububasha kw’isanamu AFP
Image caption Boko Haram isaba leta kurekura abantu bayo yafashe.

Muri iyo video harimo intagonwa ya Boko Haram yipfutse mu maso inyuma ye hari abakobwa hafi mirongo itanu.

Asaba leta kurekura intagondwa yafashe kandi akavuga bamwe muri abo bakobwa baguye mu bitero by'indege z'igisirikare cya leta.

Uwufise ububasha kw’isanamu AFP
Image caption Abarwanyi b'umutwe wa Boko Haram

Umutwe wa Boko Haram washimutse abanyeshuri b'abakorwa 276 ubavanye ku ishuri ryabo mu mujyi wa Chibok hashize imyaka irenze ibiri.

Muri abo, 219 bivugwa ko bakiri mu maboko b'uwo mutwe.

Iyi ni video ya gatatu Boko Haram ishyize ahagaragara kuva yashimuta abo bakobwa.

Leta ya Nigeria yavuze ko irimo gukora ibishoboka byose kugira ngo abo bakobwa batabarwe.

Hagati aho, igisirikare cya Nigeria kiravuga ko umunyamakuru wavuganye na Boko Haram ku birebana n'iyo video kimushakisha.

Ahmad Salkida yatangaje ibikubiye muri iyo video mbere yuko ishyirwa ahagaragara. Yanditse ku buryo burambuye ku mikorere ya Boko Haram.

Yavuye muri Nigeria yerekeza i Dubai hashize imyaka mike yinubira guhohoterwa n'inzego zishinzwe umutekano.

Ibindi bisa n’ibi