Umutingito mu Butaliyani: Hatangaiye umunsi w'icyunamo mu kwibuka abapfuye

Imihango yo gushyingura abishwe iteganyijwe kuri uyu wa Gatandatu Uwufise ububasha kw’isanamu AFP

Mu Butaliyani hatangiye umunsi w'icyunamo mu kwibuka abantu 300 bapfuye igihe umutingito ukomeye wakubitaga uduce dukomeye tw'imisozi.

Minisitiri w'intebe Matteo Renzi ari bwitabire imihango yo gushyingura abapfuye mu gace ka Arquata, kanazahajwe n'umutingito kurusha utundi.

Amabendera arazamurwa igice mu gihugu cyose. Perezida Sergio Mattarella na minisitiri w'intebe Matteo Renzi bombi baritabira iyi mihango.

Nyuma y'iminsi itatu y'umutingito washegeje utwo duce, icyizere cyo kubona abandi bantu baba bararokotse kiri gukendera. Abantu bagera kuri 300 ni bi bazwi ko bishwe. Abakabakaba 400 bari kuvurirwa mu bitaro bitandukanye.

Segio Piozzi, umuyobozi w'umujyi wa Amatrice, kanazahajwe cyane n'umutingito, yavuze ko abantu 15 bakiburiwe irengero.

Uwufise ububasha kw’isanamu AFP
Image caption Imihango yo gushyingura abapfuye iraba kui uyu wa Gatandatu
Uwufise ububasha kw’isanamu Reuters
Image caption Umutingito wasenye inyubako z'amateka akomeye
Uwufise ububasha kw’isanamu Getty Images
Image caption Ibibazo by'amazu yangijwe byabangamiye ibikorwa by'ubutabazi