Intambara ya Siriya: Amakuru aravuga ko ikibombe cyishe abantu 15 muri Aleppo.

Intambara muri Siriya yaranzwe n'ikoreshwa ry'ibisasu bya bombe bitarobanura abo bihitana. Uwufise ububasha kw’isanamu AFP
Image caption Intambara muri Siriya yaranzwe n'ikoreshwa ry'ibisasu bya bombe bitarobanura abo bihitana.

Itsinda ry'abagenzuzi mu rwego rw'uburenganzira bwa kiremwamuntu rivuga ko abantu 15 bishwe n'igisasu cya bombe mu mujyi wa Aleppo ugenzurwa n'inyeshyamba muri Siriya.

uyu muryango wavuze ko bombe yakubise itsinda ry'abantu bari bateranye bunamira abashwe n'indi bombe muri iki cyumweru.

Ibi bibaye mu gihe umuhate wo gushaka agahenge ukomeje.

Mu majyaruguru ya Siriya, biravugwa ko indege z'intambara za Turikiya zagabye ibitero ku barwanyi b'aba Kurde.

Muri iki cyumweru Turikya yohereje ibifaru ku mupaka kugira ngo bifashe inyeshyamba za Siriya gufata umujyi wa Jarablus ziwukuye mu maboko y'abarwanyi ba Islamic State no kugerageza guhagarika abo barwanyi ntibakomeze gusatira umujyi.

Abarwanyi bo mu ihuriro ry'abarwanyi rishyigikiwe n'aba Kurde bayobowe n'ingabo ziyita ko ziharanira ubwisanzure, bavuze ko kuri uyu wa Gatandatu ibitero bya Turukiya byo mu kirere byibasiye ibirindiro byazo hafi ya Jarablus.

Turikiya ifite ubwoba ko abarwanyi b'aba Kurde bari kwigarurira ubutaka bwinshi hafi y'umupaka, ibintu bishobora gutera ingabo mu bitugu ishyaka ry'abakozi b'aba Kurde PKK, rinarwanira ubwigenge muri Turukiya kuva mu myaka ya 1980.

Uwufise ububasha kw’isanamu Reuters
Image caption Abantu bakomeje gukurwa mu mujyi wa Darayya

Ku wa Gatanu, Minisitiri w'ububanyi n'amahanga John Kerry na mugenzi we wo mu Burusiya Sergei Lavrov "bageze ku busobanuro bw'inzira y'agahenge" mu biganiro barimo ariko hari hakiri "ibibazo" byo gukemura.

Aba bombi bagiranye ibiganiro i Geneva bagerageza gushakira umuti ikibazo cy'intambara n'amasezerano y'amahoro.