Filipine: Umutwe wa Maute ushamikiye kuri IS wabohoje abarwanyi umunani mu gitero kuri gereza.

Abasirikare bataye muri yombi abrwanyi umunani b'umutwe wa Maute mu cyumweru gishize. Uwufise ububasha kw’isanamu AFP
Image caption Abasirikare bataye muri yombi abrwanyi umunani b'umutwe wa Maute mu cyumweru gishize.

Abayililamu b'abahezanguni muri Filipine bashyigikiye umutwe w'abarwanyi ba Islamic State (IS) bafunguje abarwanyi bagera ku munani mu gihe cy'imirwano ikomeye muri gereza.

Polisi yavuze ko abarwanyi 20 bo mu mutwe wa Maute bateye muri gereza ya Lanao del Sur mu majyepfo y'umujyi wa Marawi, bambura imbunda abacungagereza baniba izindi mbunda.

Aba barwanyi bari batawe muri gereza mu cyumweru gishize nyuma y'uko abategetsi babafatiye batwaye intwaro bakoreye mu ngo.

Abandi bantu bari bafunzwe bagera kuri 15 bacikanye n'aba bahenzanguni.

Polisi yavuze ko abacitse bari bakurikirayweho ibyaha by'ubwicanyi n'ibiyobwabwenge.

Umutwe wa Maute wagabye ibitero byinshi ndetse unashimuta abantu benshi mu karere ka Mindanao mu majyepfo.

Filipine yahanganye n'ibibazo by'abashaka kwitandukanya mu majyepfo ya Mindanao, ituwe cyane n'abayisilamu, ahandi mu duce twinshi twa Filipine dutuwe n'abagatolika.

Umutwe wa Maute ufite ibendera ry'umukara ndetse n'ikimenyetso cya IS, kandi wagabye ibitero ku birindiro bya gisirikare, abarwanyi bawo baciye umutwe umusikare ndetse n'abandi bakozi babiri b'abasivile muri uyu mwaka.

Aba barwanyi bashimuse abakozi babiri banabategeka kwambara umwenda w'ibara rya orange usa n'uwabandi bashimuswe bakicwa na IS.

Imitwe myinshi yo muri Filipine yifatanyije na IS n'ubwo igisirikare kivuga ko nta bimenyetso byerekana ubufatanye n'imitwe y'abahezanguni yo hanze y'igihugu.