Intambara ya Siriya: Turukiya yishe abantu 25 mu bitero byo mu kirere

Turukiya yakwije ibifaru by'intambara ku mupaka isangira na Siriya. Uwufise ububasha kw’isanamu AP
Image caption Turukiya yakwije ibifaru by'intambara ku mupaka isangira na Siriya.

Abantu 25 bishwe mu bitero Turukiya ikomeje kugaba ku barwanyi b'aba Kurde mu mujyi wa Jarablus hafi y'umupaka na Siriya.

Ingabo za Turukiya zavuze ko zishe abarwanyi b'aba Kurde 25 mu bitero byo mu kirere zagabiye muri Siriya ku Cyumweru.

Ariko hari n'itsinda riharanira uburenganzira bwa kiremwa muntu rivuga ko abasivile 35 n'abarwanyi bane bishwe n'ibitero ku Cyumweru.

Ntibisobanutse niba aya makuru yombi avuga ku gitero kimwe.

Ibi bitero bije ku munsi wa gatanu w'ibikorwa bya gisirikare byo guhiga abarwanyi b'umutwe wa Islamic State (IS) n'abarwanyi b'aba Kurde barwanira muri Siriya.

Ibifaru bya Turukiya n'ingabo zishyigikiwe n'inyeshyamba za Siriya zafashe ubutaka zikuye mu maboko ya IS ndetse n'abarwanyi ba YPG, inyeshyamba z'aba Kurde zishyigikiwe na Leta Zunze Ubumwe za Amerika.