Trump aragendera Mexique

Trump yavuze ko abimukira bo muri Mexique ari inkozi z'ikibi kandi bafata abapfasoni ku nguvu Uwufise ububasha kw’isanamu AP
Image caption Trump yavuze ko abimukira bo muri Mexique ari inkozi z'ikibi kandi bafata abapfasoni ku nguvu

Uwitoza mu kibanza c’umukuru w’igihugu mu mugambwe w’abarepublicains mu gihugu ca Amerika, Donald Trump, yemeye ubutumire bwo gutemberera prezida Enrique Pena Nieto w’igihugu ca Mexique ku musi wa gatatu.

Ibiro vy’umukuru w’igihugu bivuga ko imigambi y’uko haba ibiganiro hagati y’abo bagabo babiri iriko irahera gutegurwa.

Iyo nama iza kuba umwanya muto imbere y’uko Trump ashikiriza ijambo ryerekeye abimukira badakurikije amategeko.

Mu myiyamamazo yiwe, Trump yavuze ko abanye Mexique binjira muri Amerika ari ‘inkozi z’ikibi’ kandi ‘bafata abapfasoni ku nguvu’.

Uwufise ububasha kw’isanamu REUTERS
Image caption Prezida wa Mexique, Pena Nieto

Yiyemeje kwubaka uruhome rubuza abimukira gusubira kwinjira muri ico gihugu.

Ntibishobora gukina mu cuma cawe
Umva amwe mu majambo ya Trump kuri Mexique

Prezida Pena Nieto yaranatumiye n’uwundi yitoza mu kibanza c’umukuru w’igihugu ku ruhande w’abademocrates, umupfasoni Hillary Clinton.