Kenya irashaka ko Somalia ireka khat ikinjira

Khat Uwufise ububasha kw’isanamu AFP

Leta ya Kenya iravuga ko irimo gukora ibishoboka byose mu gusaba leta ya Somalia kwisubiraho ikavanaho icyemezo yafashe cyo guhagarika ingendo z'indege ziva muri Kenya zijyanye muri icyo gihugu igihingwa cya khat.

Icyo cyemezo cyafashwe na leta ya Somalia kuwa kabiri w'icyumweru gishize kandi kigira ingaruka ku bucuruzi bufite agaciro kagera hafi kuri kimwe cya kabiri cya miliyoni imwe y'amadolari ku munsi.

Umuvugizi wa leta ya Kenya, Eric Kiraithe, yahakanye amakuru avuga ko icyo cyemezo cyaba gifitanye isano n'uruzinduko umwe mu bakozi bo hejuru ba leta aherutsemo mu ntara yihaye ubwigengege ya Somalia agiye gusaba abategetsi baho kureba ukuntu ubucuruzi bwa khat bwakwiyongera.

Uwufise ububasha kw’isanamu AFP
Image caption Isoko rya khat rya Beerta nta bantu benshi bari baririmo nyuma y'icyo cyemezo.

Yavuze ko Perezida Uhuru Kenyatta iki kibazo agikurikiraniye hafi.

Amababi y'igihingwa cya khat - abantu bamara amasaha menshi bahekenya - arakunzwe cyane muri Somalia ariko rero ntabwo iki cyatsi kihahingwa.

Abakunzi ba khat bavuga ko ibatera imbaraga.