Imirwano irakomeje muri Syria

Ibitero mu ntara ya Idlib byanakomerekeje abantu. Uwufise ububasha kw’isanamu AFP
Image caption Ibitero mu ntara ya Idlib byanakomerekeje benshi.

Amakuru aturuka muri Syria aravuga ko ingabo za leta zirimo kugaba ibitero by'indege bikomeye mu turere twinshi.

Ibi biraba mu gihe hasigaye umunsi umwe ngo hatangire gushyirwa mu bikorwa amasezerano yo guhagarika imirwano ahagarikiwe na Amerika n'Uburusiya.

Uwufise ububasha kw’isanamu AFP
Image caption Mu byumweru bishize imirwano yarushijeho gukara mu burasirazuba bw'umujyi wa Aleppo

Impirimbanyi zo muri Syria ziravuga ko indege z'intambara z'Uburusiya nazo ziri mu kirere zirasa mu ntara za Idlib na Aleppo.

Abantu barenga ijana biravugwa ko baguye mu bitero by'indege byo kuwa gatandatu.

Amerika n'Uburusiya byumvikanye kuri Syria

Imiryango ifasha abari mu kaga itegereje ko impande zose zihagarika imirwano kugira ngo ibashe kugeza imfashanyo yihutirwa mu mijyi n'imirenge byugarijwe n'intambara.

Ayo masezerano yo guhagarika intambara ateganya ko hashyirwaho inzira zitarangwamo imirwano zo kunyuzwamo imfashanyo igenewe abari mu kaga.