Amerika iribuka abaguye mu bitero bya 11/09/2001

Barack Obama Uwufise ububasha kw’isanamu AFP/GETTY

Inzogera zavuze mu mujyi wa New York mu kwibuka igihe indege yagongeshwaga inyubako ya World Trade Center ku itariki ya 11 z'ukwezi kwa 9 muri 2001 mu gitero cy'iterabwoba cyahitanye abantu hafi ibihumbi bitatu.

Mu kubibuka Perezida wa Amerika, Barack Obama, yamaze umunota acecetse ku biro bye bya White House.

Arateganya kuza kuvuga ijambo mu muhango uza kubera kuri minisiteri y'ingabo nayo icyo gihe yagongeshejwe indege n'ibyihebe.

Mu ijambo ageza ku baturage ba Amerika buri cyumweru rinyuze kuri radio, Perezida Obama yavuze ko ibyabaye ku itariki nk'iyi hashize imyaka 15 ari amahano akomeye mu mateka ya Amerika.

Uwufise ububasha kw’isanamu AFP/Getty
Image caption Umuhango wo kwibuka wabereye aharimo kuzamurwa inyubakwa nshya za World Trade Center.
Uwufise ububasha kw’isanamu AFP/Getty
Image caption Urumuri rwerekana ahari yubatse inyubako za World Trade Center

Mu muhango ubera ahari hubatse inyubako ya World Trade Center yiswe Ground Zero, harasomerwa amazina y'abahaguye muri icyo gitero.

Iki gitero cy'iterabwoba cyabaye imbarutso y'ibitero bya Amerika muri Afghanistani no muri Iraq.

Cyabaye kandi n'urugero ku bakora ibikorwa by'iterabwoba bavuga ko barwana intambara ntagatifu ya jihadi hirya no hino ku isi.