Miliyoni y'abatuye Sudani yepfo barahunze

Impunzi Uwufise ububasha kw’isanamu AFP
Image caption Abantu byibura ibihumbi 185 bahunze Sudani yepfo kubera imirwano mishya yadutse mu kwezi kwa karindwi.

Umuryango w'abibumbye uravuga ko umubare w'abantu bamaze guhunga intambara muri Sudani yepfo umaze kurenga miliyoni imwe.

Intambara muri icyo gihugu yadutse mu kwezi kwa cumi na biri mu mwaka wa 2013 kandi na n'ubu ntiyari yahagarara nubwo hari amasezerano y'amahoro yashyizweho umukon mu mwaka ushize.

Abantu byibura ibihumbi 185 bahunze Sudani yepfo kubera imirwano mishya yadutse mu kwezi kwa karindwi.

Benshi mu baherutse guhunga berekeje muri Uganda.

Ariko rero ibihugu byose bituranye na Sudani yepfo byakiriye impunzi z'icyo gihugu kuva intambara yatangira.

Uyu mubare rero usa n'ukanganye wa miliyoni imwe y'abavuye mu gihugu mu byukuri ni muto ugereranyije nuw'abavanywe mu byabo n'intambara bari imbere mu gihugu - babarirwa kuri miliyoni imwe n'ibihumbi 600.

Ibi bishatse rero kuvuga ko muri rusange umunyasudaniyepfo umwe kuri batanu yahunze intambara.