Ukekwaho ibitero bya New York azwi nka Ahmad Khan Rahami

Ahmad Khan Rahami ifoto yatanzwe na polisi ya New York Uwufise ububasha kw’isanamu NYPD
Image caption Polisi yasohoye ifoto ya Ahmad Khan Rahami

Polisi muri Leta Zunze Ubumwe za Amerika irigushakisha umugabo w'imyaka 28 w'Umunyamerika ufite inkomoko muri Afganistani, akaba afitanye isano n'ibisasu bya bombe byaturikiye I New York na New Jersey.

Polisi yasohoye ifoto y'ukekwa wamenyekanye ku izina rya Ahmed Khan Rahami.

Guverineri wa New York, Andrew Cuomo, yavuze ko ibisasu ndetse n'ibindi bintu biturika byatahuwe, bifitanye isano.

Uwufise ububasha kw’isanamu AFP / New Jersey State Police
Image caption Polisi yo muri leta ya New Jersey State yasohoye amafoto atatu atandukanye ya Ahmad Khan Rahami ndetse n'indi yafashwe n'ibyuma bifotora by'umutekano bita CCTV ari hafi y'ahaturikiye ibisasu i Manhattan

Amamiliyoni y'abatuye New York bohererejwe ubutumwa bw'impuruza kuri telefoni ngendanwa zabo ku wa Mbere mu gitondo nyuma y'uko polisi ya NYC itahuriye ukekwa.

Umuyobozi w'umujyi wa New York, Bill de Blasio yabwiye CNN ati "Umuntu wese ubine uyu muntu cyangwa ufite icyo amuziho cyangwa aho aherereye agomba guhamagara ako kanya."

Uwufise ububasha kw’isanamu Getty Images
Image caption Abakora iperereza muri FBI basantse inzu ku wa Mbere mu gace ka Elizabeth

Bwana Cuomo yavuze ko ibi bishobora kwerekana ko hashobora kuba hari agatsiko k'iterabwoba kari kubitegura kandi ko atatungurwa asanze hari isano n'iterabwoba mpuzamahanga.

Igisasu cyaturikiye i Manhattan cyakomerekeje abantu 29.

Ibiro by'iperereza FBI bimaze iminsi bishakisha ibimenyetso byose mu gace k'ahitwa Elizabeth, New Jersey, isano y'ukekwa kubigiramo uruhare w'imyaka 28.

Igikapo kitwazwa n'abakerarugendo cyaturikiyemo ibisasu bigera kuri bitanu i Elizabeth mu masaha ya kare ya mugitondo kuri uyu wa Mbere igihe ibimashini bituritsa bombe byageragezaga guhishura igisasu.

Umuvugizi w'ibiro bya perezida Barack Obama, uri i New York mu nama rusange y'Umuryango w'Abibumbye, yavuze ko ari kugezwaho amakuru yose n'abashinzwe iperereza uko agenda ahinduka

Image caption Abaturage bo mu mujyi wa New York babonye ubutumwa butabaza ku wa Mbere mu gitondo