Intambara muri Siriya: Akumiro gatewe n'igitero ku modoka z'ubutabazi

Amakamyo y'imiryang y'ubutabazi yangijwe n'ibisasu hafi y'umujyi wa Urm al-Kubra Uwufise ububasha kw’isanamu Reuters
Image caption Amakamyo y'imiryang y'ubutabazi yangijwe n'ibisasu hafi y'umujyi wa Urm al-Kubra

Guverinoma ya Amerika yagaragaje akumiro itewe n'igitero cyagabwe ku modoka z'imiryango itabara hafi y'umujyi wa Aleppo muri Siriya, aho umugenzuzi mu bihe by'intambara yavuze ko cyishe abantu 12.

Umuryango w'Abibumbye wemeje ko izo modoka zagabiweho igitero hafi y'umujyi wa Urm al-Kubra, ariko nta yandi makuru arenzeho watanze.

Cyakora abaharanira uburenganzira bwa kiremwa muntu bavuga ko igisasu cyo mu kirere cyakubise amakamyo nyuma y'amasaha macye ingabo zitangaje ko igihe cy'agahenge cyashyizweho umukono na Leta Zunze Ubumwe za Amerika n'Uburusiya cyarangiye.

Hagati aho, Washington iravuga ko "izagenzura uburyo bwo gukorana na Moscow" mu bihe biri imbere.

Umuvugizi wa minisiteri y'ububanyi n'amahanga muri Amerika, John Kirby yagize ati:

"Aho izo modoka zari zigiye hari hazwi n'ubutegetsi bwa Siriya ndetse n'Uburusiya."

Yongeraho ati: "Ariko none aba batabazi bishwe bari kugerageza gutanga ubufasha ku baturage ba Siriya."

Uwufise ububasha kw’isanamu Syrian Civil Defence White Helmets/AP
Image caption Impirimbanyi y'uburenganzira bwa kiremwamuntu muri Siriya mu muryango w'abazwi nka White Helmets arerekana agace kakubiswe n'igisasu

Umuvugizi w'Umuryango w'Abibumbye avuga ko amakamyo 18 kuri 31 yari ari muri uwo murongo w'imodoka yakubiswe n'igisasu. Aya mamodoka yari ajyanye imfashanyo ku bantu 78.000 bari mu duce twafashwe n'inyeshyamba hafi ya Aleppo.

Uwufise ububasha kw’isanamu AFP
Image caption John Kerry, minisitiri w'Ububanyi n'amahanga wa Leta Zunze Ubumwe za Amerika yagiranye amasezerano y'agahenge muri Siriya na mugenzi we w'Uburusiya, Sergei Lavrov

Umutangabuhamya yabwiye ibiro ntaramakuru bya Reuters kuri telefoni ko ibisasu bya misile bitanu ari byo byakubise amakamyo, yari ahagaze ku kigo cy'umuryango utabara imbabare (Croissant Rouge) muri Siriya.

Uwufise ububasha kw’isanamu Getty Images
Image caption Nyinshi mu mfashanyo y'ubutabazi yemewe mu gihe cy'agahenge ntiratangwa