Rwandair yaguze indege nsha Airbus A330

Rwandair izoca yugurura ingendo za Kigali-Bulaya Uwufise ububasha kw’isanamu JC Mwambutsa
Image caption Indege nsha ya Rwandair ishobora gutwara abantu 244

Ikigo gikora ingendo zo mu kirere -Rwandair kimaze kwakira indege nshya ya Airbus A 330 ifite ubushobozi bwo gutwarira rimwe abagenzi 244.

Iyi ndege ibonetse itwaye akayabo gasaga miliyoni 200 z'Amadolari y'America ngo ikaba ikoranye ubuhanga bugezweho.

Imbere mu ndege abagenzi ngo bazaba bashobora gukoresha interineti kandi ngo ntibazanabuzwa gukoresha telefoni ngendanwa.

Iyi ndege ngo igiye gutuma RWANDAIR ifungura ingendo nshya ndende zerekeza ku mugabane w'U Burayi, ndetse ijye no ku mugabane wa Aziya mu bihugu by'U Bushinwa n'U Buhindi.

RWANDAIR ivuga ko itegereje indi ndege nini nk'iyi igomba kugera mu Rwanda mu kwezi kwa 11.

Izi ndege zombi ngo zizatuma iki kigo kizaba kimaze kugira ubushobozi bwo gutwara abagenzi bagera kuri miliyoni imwe mu myaka 5 iri imbere.

Rwandair ni cyo kigo cya mbere mu gace ka Africa y'iburasirazuba gishoboye kugura indege nk'iyi ya Airbus A 330.

Biteganijwe ko urugendo rwa mbere rw'iyi ndege ruzaba ku itariki ya 8 z'ukwezi gutaha ubwo izaba yerekeza I Dubai.

Muri rusange ikigo cya Rwandair gikoresha indege 9 zijya mu byerekezo binyuranye ku isi.