Intambara ya Mosul: Ibitero byo kwigarurira umujyi wa Mosul muri Iraki byatangiye

Abarwanyi b'aba Kurde ba Peshmerga bafite ibirindiro mu burasirazuba bwa Mosul, ku ya 17/10/2016. Uwufise ububasha kw’isanamu AFP
Image caption Ibitero byagabwe i Mousl byatangijwe no kurasa amasasu mu gitondo cya kare ku wa Mbere

Ibikorwa bya gisirikare byo kwigarurira umujyi wa Mosul, indiri ya nyuma y'umuwe wa Islamic State mu gihugu, byatangiye.

Ingabo zirwanira ku butaika zarangiye zimisha ibisasu mu mugi mu gitondo cyo ku wa Mbere, ibintu byari bitegerejwe cyane n'aba Kurde b'aba Peshmerga; ni ukuvuga guverinoma ya Iraki n'ingabo ziyishyigikiye.

Ibifaru ubu biri gusatira umujyi wafashwe na IS kuva muri 2014.

Umuryango w'Abibumbye wagaragaje "impungenge zikomeye" zishingiye ku bantu miliyoni n'ibihumbi magana atanu batuye muri uwo mujyi.

Umunyamakuru wa BBC Orla Guerin, uri kumwe n'ingabo z'aba Kurde mu burasirazuba bwa Mosul, avuga ko ibifaru biri kwegera imbere mu mujyi, bitera ivumbi ryinshi mu bicu.

Igihe ibitero byatangiraga, umwe mu ba jenerali b'aba Kurde yafize ati:

"Ninicwa uyu munsi, nzapfa nishimye kubera ko hari icyo namariye abaturage banjye."

Abategetsi bavuga ko ifatwa rya Mosul, rizarangizaa itsindwa ry'umutwe wa IS muri Iraki.

Itangizwa ry'ibitero ryatangajwe na minisitiri w'intebe Haider al-Abadi mu ijambo yavugiye kuri televiziyo mu masaha ya kare ku wa Mbere. Yagize ati:

"Isaha y'intsinzi yageze."

Uwufise ububasha kw’isanamu ORLA GUERIN/BBC
Image caption Umunyamakuru wa BBC, Orla Guerin, ari kumwe n'ingabo za Peshmerga hafi ya Mosul: "Umujenerali w'umuKurde yavuze ko napfa azapfa yishimye kuko yagize icyo akorera abaturage be"

Ingabo nyinshi zishyigikiye guverinoma zateraniye ku birindiro bikomeye mu mujyi wa Qayyarah, nko mu bilometero 60 uvuye mu majyepfo ya Mosul, wafashwe mu kwezi kwa Munani.

Ibitambaro byanditseho amagambo aburira abaturage ko ibitero biri hafi, byari byanyanyagijwe mu gace.

Uwufise ububasha kw’isanamu IRAQI PM/AP
Image caption Itangazo ryo gutangiza ibitero ryasomewe kuri televisiyo ku wa Mbere mu gitondo

Yongeyeho ko abaturage bagera kuri miliyoni bashobora kuvanwa mu byabo bahunga kubera ibitero.

Nta mibare ihamye y'abantu basigaye i Mosul, ariko igihe IS yafataga uyu mujyi hari hari abagera kuri miliyoni ebyiri.