Intambara ya Mosul: Imyuka ihumanya ku birindiro bya Amerika muri Iraki

Imyotsi yatewe n'ibyuka bya silfire mu gace ka Mishraq Uwufise ububasha kw’isanamu Reuters
Image caption Imyotsi yatewe n'ibyuka bihumanya bya silfire mu gace ka Mishraq mu minsi ibiri ishize

Abasirikare ba Amerika bari ku birindiro hafi y'umujyi wa Mosul mu majyaruguru ya Iraki, bambaye ibintu mu maso bibarinda imyotsi y'ubumara yaturutse mu itwikwa ry'imyuka ya silifile [sulphur] ihumanya, bikozwe n'abarwanyi b'umutwe wa Islamic State.

Bakoze ibi nk'uburyo bwo kwikingira nyuma y'umuyaga wazagamo imyotsi nyuma y'ikigega cyatwikiwe ahagana mu gace ka Qayyarah.

Minisitiri w'ingabo Ash Carter ari i Bagdad mu rugendo rw'akazi rutunguranye.

Hagati aho, abagaba b'ingabo baravuga ko ingabo zinjiye mu mujyi wa Qayyarah, uri mu bilometero nka 32 mu majyepfo ya Mosul.

Qaraqosh, umujyi munini wari urimo abakirisitu benshi mbere y'intambara, biravugwa ko nta baturage bakiwurimo ariko ko IS yateze ibisasu bya mine mu nzira zerekeza i Mosul.

Aba barwanyi ba IS bamaze igihe bagaba ibitero by'ubwiyahuzi bw'ibibombe mu tundi duce, bashora imodoka zirimo ibintu biturika ku birindiro by'ingabo za guverinoma.

Igitero IS yagabye ku wa Gatanu mu mujyi wa Kirkuk, uri nko mu bilometero 170 uvuye i Mosul ubu kirasa n'aho cyarangiye, cyasize abantu 35 bishwe abandi 120 barakomereka nk'uko bivugwa n'abaganga.

'Babiri bapfuye'

Qayyarah ni agace gakoreshwa nk'izingiro ry'ingenzi mu gufasha ingabo za Iraki mu gutsimbura abarwanyi ba IS mu ndiri yabo ii mu mujyi wa Mosul.

Umuriro watangiye ku wa Gatanu nyuma igihe IS yakongezaga ikigega kirimo imyuka y'ubumara ya silifile hafi ya Mishraq mu majyepfo ya Mosul.

umugaba w'ingabo muri Iraki, Qusay Hamid Kadhem, yabwiye ibiro ntaramakuru bya AFP ko abasivile babiri bapfuye bishwe n'imyotsi kandi "abandi benshi" bagakomeraka.

Undi muriro usa n'uyu mu gace ka Mishraq mu mwaka wa 2003 watse mu gihe cy'ibyumweru uzamura ibyuka bya silfire mu kirere. Byateje ikibazo mu myanya y'ubuhumekero ku baturage bahaturiye ndetse byangiza ibidukikije.

Uwufise ububasha kw’isanamu AP
Image caption Bwana Carter (ibumoso) yabonanye na minisitiri w'intebe wa Turukiya Binali Yildirim ku wa Gatanu

Bwana Carter, uri muri Iraki ku nshuro ya gatatu muri uyu mwaka, yayoboye iyoherezwa ry'ingabo za Amerika.

Abasirikare barenga 4.800 ba Amerika bari muri Iraki naho abagera ku 100 mu kiciro cy'ingabo kabuhariwe bari kumwe n'abasirikare ba Iraki bari ku rugamba.