Abashimuswe n'ibisambo byo mu mazi muri Somaliya barekuwe nyuma y'imyaka itanu

Ubushimusi mu mazi y'inkombe za Somaliya bwaragabanutse mu myaka ya vuba ishize. Uwufise ububasha kw’isanamu MOHAMED DAHIR
Image caption Ubushimusi mu mazi y'inkombe za Somaliya bwaragabanutse mu myaka ya vuba ishize.

Abahuza mpuzamahanga baravuga ko abagabo 26 bari barafashwe bugwate n'abashimusi bo muri Somaliya barekuwe nyuma y'imyaka itanu.

Ubwato bwabo, bwitwa FV Naham 3, bwafatiwe mu majyepfo ya Seychelles mu kwa Gatatu 2012.

Abari batwaye ubwato ndetse n'abandi bakoranaga nabo barafashwe bajyanwa ku nkombe za Somaliya, kugeza burohamye. Abafashwe bugwate baturuka mu bihugu bitandukanye byo mu Burasirazuba bwa Aziya bajyanwe mu bihuru.

Biratekerezwa ko bashobora kuba bari mu bantu ba nyuma bafashwe bugwate n'ibisambo byo mu mazi muri Somaliya mu myaka ya za 2000.

Ubushimusi mu mazi y'inkombe za Somaliya bwaragabanutse mu myaka ya vuba ishize.

Aba bagabo bari bafashwe bugwate baturuka muri Cambodiya, Ubushinwa, Tayiwani, Indoneziya, Filipine na Viyetinamu.

John Steed, ukorana n'umuryango ufasha abafashwe bugwate 'Hostage Support Partnership', yavuze ko ubuzima bw'abashimuswe buzwi bugarukira gusa ku mafoto yabo yoherejwe yerekana ko bakiri bazima.

Yabwiye BBC ati: "Ntutuzabimenya mbere y'uko mbakura muri Somaliya ejo,".

"Aba bagabo barananiwe cyane, barananutse, bicishijwe inzara. Benshi muri bo bagombye kubonana na muganga kubera ko batari bameze neza."

Yavuze ko adashobora kugira icyo avuga ku ngingo yo kumenya niba hari ikiguzi cyatanzwe kugira ngo barekurwe. Cyakora, yavuze ko abayobozi b'imiryango yo muri ako gace, bagize uruhare muri "ibyo bihe bikomeye".

"Aba ni abarobyi b'abakene. Ubwato nta gaciro bwari bufite, nta bwishingizi, kanid na guverinoma ntishaka kugira uruhare mu biganiro nk'ibi."