Mu mafoto: Abanyeshuri muri Libiya mu muhango wo guhabwa impamyabumenyi mu binonko by'inyubako zangijwe

Amaforo y'abanyeshuri mu ishami ry'itumanaho muri kaminuza ya Benghazi mu mihango yo guhabwa impamyabumenyi ku itariki 15/10/ 2016. Uwufise ububasha kw’isanamu Hema Photography

Kaminuza yo muri Libiya yari imaze imyaka irenga ibiri ifunze kubera intambara yafunguye inakora imihango yo guha abanyeshuri impamyabumenyi.

Ishami rya Kaminuza ya Benghazi ryahindutse ishiraniro ry'imirwano hagati y;ingabo za guverinoma n'abarwanyi b'umutwe wa Islamic State kugeza igihe undi mutwe w'abarwanyi bashyigikiwe n'ubutegetsi mu burasirazuba babatsimburiye muri ako gace mu kwezi kwa Kane.

Amasomo yarahagaze mu mwaka wa 2014, yongera gusubukurwa mu mwaka ushize, ariko ku yandi makaminuza mu mujyi byakomereye abanyeshuri gutangira amasomo yabo.

Uwufise ububasha kw’isanamu Hema Photography

Abanyeshuri bo mu ishami ry'itumanaho barifotozanya ingofero n'ibishura byabo ku itariki ya 15/10, ushobora kubona ibisigazwa by'inyubako yangiritse inyuma.

Uwufise ububasha kw’isanamu Hema Photography

Bamwe mu banyeshuri bahisemo kwifotoreza imbere y'igisasu cya misile n'izindi ntwaro zasigaye ahabereye imirwano.

Uwufise ububasha kw’isanamu Engineering School Facebook page

Kuva mu 2011, imirwano yahiritse Muammar Gaddafi ku butegetsi, imirwano yagize ingaruka kuri kaminuza. Yafunze burundu hagati mu mwaka wa 2014 igihe imirwano yakazaga umurego.

Uwufise ububasha kw’isanamu Engineering School Facebook page

Ikinyamakuru cyo muri Libiya Herald kivuga ko kuva mu kwezi kwa Kane inzego zitegura ibisasu bya mine zashoboye gutegura 5% by'imitego yasizwe n'abarwanyi kuri kaminuza, kubera iyo mpamvu, inyubako za kaminuza ziracyateye ibibazo by'umutekano.

Uwufise ububasha kw’isanamu Engineering School Facebook page

Urubuga nkoranyamabaga rwa Facebook rwa kaminuza ya Benghazi mu ishami ry'ubuhanga buhanitse rwashyize amafoto y'imihango yo guha abanyeshuri impamyabumenyi zabo yo ku itariki ya 11/10, ruvuga ko; "[Abanyeshuri] basabye ko ibyishimo byabo [byishimirwa] muri kaminuza, n'ubwo yangijwe cyane."

Uwufise ububasha kw’isanamu Ali Alramly

Umwe mu banyeshuri yatanze ubutumwa kuri Twitter agira ati: "#Kaminuza ya Benghazi ni ho ababyeyi banjye bombi barangirije amashuri, ntewe ishema no kurangiriza kuri iyi kaminuza."

Uwufise ububasha kw’isanamu Hema Photography

Bamwe bakoresheje ubutumwa bwa Twitter bagerageza kwerekana ko umujyi wa Benghazi wa kabiri munini mui Libiya uri kugarura ubuzima, banditse nk'amagambo agira ati: "Benghazi [ni] ubuzima cyangwa "Benghazi yazanzamutse".