Uburusiya bwafunze ibiro bya Amnesty International

Umukuru w'ibiro bya Amnesty i Moscow, Sergei Nikitin, yerekanye ifoto y'inyandiko ubutegetsi bwahasize buvuga ko bwahafunze. Uwufise ububasha kw’isanamu SERGEI NIKITIN
Image caption Umukuru w'ibiro bya Amnesty i Moscow, Sergei Nikitin, yerekanye ifoto y'inyandiko ubutegetsi bwahasize buvuga ko bwahafunze.

Umuryango mpuzamahanga uharanira uburenganzira bw'ikiremwamuntu ku isi, Amnesty International, uravuga ko ibiro byawo mu mujyi wa Moscow mu Burusiya byafunzwe n'ubutegetsi.

Igihe abakozi ba Amnesty International bakora mu biro byayo i Moscow bajyaga ku kazi mu gitondo cy'uyu munsi ntibabashije kwinjira.

Abategetsi b'umujyi, ba nyiri inzu ibyo biro birimo, bari bafunze inzira yerekeza kuri ibyo biro.

Ingufuri zari zahinduwe n'umuryango warawudadira. Amnesty International iravuga ko itari yabanje kubimenyeshwa kandi ngo nta bisobanuro yanahawe.

Uyu muryango wari umaze imyaka irenga makumyabiri ukodesha ibi biro mu mujyi wa Moscow.

Amnesty International kandi imaze igihe inenga cyane ukuntu uburenganzira bw'ikiremwamuntu mu Burusiya byubahirizwa.

Abategetsi b'Uburusiya nabo ariko barayinenga.

Umukuru w'ibiro bya Amnesty International i Moscow, Sergei Nikitin, yabwiye BBC ko ibi bishobora kuba biri muri gahunda yo kwirukana uyu muryango mu Burusiya.