Zuma ngo gereza nta bwoba imuteye

Jacob Zuma Uwufise ububasha kw’isanamu AFP

Perezida wa Afurika yepfo, Jacob Zuma, ukekwaho kuba ashobora kuba afite aho ahuriye n'ibyaha bya ruswa, yavuze ko adafite ubwoba bwo gufungwa ngo kubera ko yamaze imyaka 10 muri gereza igihe yarwanyaga politiki y'ivanguramoko.

Ni ubwa mbere Perezida Zuma agize icyo avuga ku mugaragaro kuva aho hasohokeye icyegereranyo kuri ruswa muri leta cyasabye ko hashyirwaho akanama ko mu rwego rw'ubutabera kazamukoraho iperereza, we n'abandi bategetsi bo hejuru.

Uwufise ububasha kw’isanamu Gallo images
Image caption Umuhungu wa Jacob Zuma - Duduzane (iburyo) yakoranaga mu bucuruzi n'umuryango wa Gupta.

Icyo iryo perereza rizaba rigamije ni ukureba niba we n'abo bategetsi baranyuranyije n'amategeko mu bikorwa byabo n'umuryango wa Gupta - abahindi bari mu bakize cyane muri icyo gihugu.

Perezida Zuma yabwiye abayoboke be babarirwa mu bihumbi mu ntara ya Kwa-Zulu Natal ko abanyamategeko n'inkiko barimo kurwanya ibiganiro bishingiye kuri demokarasi.