Ibitero by'abiyahuzi i Tikrit na Samarra

Uwufise ububasha kw’isanamu AP
Image caption Bariyeri y'ingabo za Irak

Abantu byibura makumyabiri n'umwe baguye mu bitero by'ibisasu byatezwe n'abiyahuzi mu mijyi ya Tikrit na Samarra muri Irak.

Ibyo bitero byombi byakoreshejwemo imodoka z'ingobyi y'abarwayi (ambulance) zitezwemo ibisasu.

Imwe muri zo yagonze imodoka zari ku murongo kuri bariyeri iri mu mujyi wa Tikrit.

Amakuru aturuka mu nzego zishinzwe umutekano aravuga ko abantu cumi na batatu bahasize ubuzima.

Igitero cy'i Samarra cyo kibasiye amabisi yari atwaye abayisilamu b'abashia.

Biravugwa ko intagondwa zo mu mutwe wiyita leta ya Kiyislamu ari zo ziri inyuma y'ibyo bitero muri gahunda yo kugerageza kurangaza ingabo za leta ya Irak ziri mu kugaba igitero kuri uwo mutwe mu mujyi wa Mosul mu majyaruguru y'igihugu.